ନିଯୁକ୍ତି ପ୍ରସଙ୍ଗକୁ ନେଇ ପାରାଦୀପରେ ତୁମୁଳକାଣ୍ଡ, ଛାତ୍ରଙ୍କ ଉପରେ ପୋଲିସର ଲାଠିଚାର୍ଜ

1 min read

ପାରାଦୀପ : ନିଯୁକ୍ତିକୁ ନେଇ ପାରାଦୀପରେ ଲଙ୍କା କାଣ୍ଡ । JSW କାରଖାନାର ପାରାଦୀପ ସ୍ଥିତ ଅଫିସରେ ଷ୍ଟୁଡେଣ୍ଟ ଅର୍ଗାନାଇଜେସନ ଅଫ୍ ବିଜୁପଟ୍ଟନାୟକ ୟୁନିଭର୍ସିଟିର ଛାତ୍ରମାନେ ବ୍ୟାପକ ଭଙ୍ଗାରୁଜା କରିଛନ୍ତି । ଏହାପରେ କମ୍ପାନୀ ନାଁରେ ଏତଲା ଦେବାକୁ ଥାନାକୁ ଯାଉଥିବା ବେଳେ ଥାନା ଆଗରେ ମଧ୍ୟ ବିକ୍ଷୋଭ ପ୍ରଦର୍ଶନ କରିଥିଲେ ଛାତ୍ର । ପରିସ୍ଥିତି ଅଣାୟତ୍ତ ହେବାରୁ ପୋଲିସକୁ ମୃଦୁ ଲାଠି ଚାଳନା କରିବାକୁ ପଡ଼ିଥିଲା ।


୧୦ରୁ ଅଧିକ ଛାତ୍ରଙ୍କୁ ଅଟକ ରଖିଛି ପୋଲିସ । ଗତ ଅକ୍ଟୋବର ୧୫ ତାରିଖରେ (ସୋବୁ)ର ଛାତ୍ର ଛାତ୍ରୀ ନିଯୁକ୍ତିକୁ ନେଇ ଧାରଣା ଦେଇଥିଲେ । ଏହି ସମୟରେ JSW ପକ୍ଷରୁ ନିଯୁକ୍ତିକୁ ନେଇ ସେମାନଙ୍କୁ ପ୍ରତିଶ୍ରୁତି ଦିଆଯାଇଥିଲା । ଏ ଘଟଣାକୁ ନେଇ ପାରାଦୀପ ଏଡିଏମଙ୍କ ସହିତ ଏ ସମ୍ପର୍କରେ ଆଲୋଚନା କରାଯାଇଥିଲା ।

ଆଜି ସକାଳେ ସୋବୁ ଛାତ୍ର ସଙ୍ଗଠନ ର କିଛି ଛାତ୍ର JSW  ଅଫିସରେ ପହଞ୍ଚି ନିଯୁକ୍ତି କାହିଁକି ଦିଆ ଯାଉନାହିଁ ବୋଲି ପ୍ରଶ୍ନ କରିବା ସହିତ ବ୍ୟାପକ ଭଙ୍ଗାରୁଜା କରିଥିଲେ। କମ୍ପାନୀର କମ୍ପ୍ୟୁଟର, ଏସି, ଚେୟାର, ଟେବୁଲ ପ୍ରଭୃତି ଭଙ୍ଗାରୁଜା କରିଥିଲେ । ପରେ ଥାନାରେ କମ୍ପାନୀ ବିରୋଧରେ ଏତଲା ଦେବାକୁ ଯାଇଥିଲେ । ମାତ୍ର ସେଠାରେ ପୋଲିସ ସେମାନଙ୍କୁ ଅଟକ ରଖିବାକୁ ନେଇ ଉତ୍ତେଜନା ଦେଖାଦେଇଥିଲା ।

ଫଳରେ ପୋଲିସ ବାଧ୍ୟ ହୋଇ ମୃଦୁ ଲାଠି ଚାଳନା କରିବା ସହିତ କିଛି ଛାତ୍ରଙ୍କୁ ଅଟକ ରଖିଛି । ଛାତ୍ର ମାନଙ୍କର ୪୦ରୁ ଅଧିକ ଗାଡିକୁ ମଧ୍ୟ ଜବତ କରିଛି ପୋଲିସ। ତେବେ କମ୍ପାନୀ ପକ୍ଷରୁ ଏପର୍ଯ୍ୟନ୍ତ କୌଣସି ଲିଖିତ ଅଭିଯୋଗ ପୋଲିସ ନିକଟରେ କରାଯାଇନାହିଁ ।

Leave a Reply