ଗାଁ ଭିତରକୁ ଧସେଇ ପଶିଲା ଭୂଷଣ ପ୍ଲାଣ୍ଟ କେମିକାଲ

ସମ୍ବଲପୁର: ଭୂଷଣ କାରଖାନାରେ ବଡ ଅଘଟଣ । ପେଲେଟ୍ ପ୍ଲାଣ୍ଟର ସିଲରି ପଣ୍ତ ଭୁଶୁଡି ମାଡିଗଲା ବିଶାକ୍ତ ତରଳ ଲୁହାଗୁଣ୍ଡ । ଗତକାଲି ରାତିରେ ଏହି ଅଘଟଣ ଘଟିଛି । କାରଖାନା ପାଚେରି ଭାଙ୍ଗି ପାଖରେ ଥିବା ଗାଁକୁ ପସିଲା ବିଶାକ୍ତ କେମିକାଲ । ବାଞ୍ଜିବେର୍ଣ୍ଣା ଗାଁକୁ ଏହି ବିଷାକ୍ତ କେମିକାଲ ମାଡି ଯାଇଛି ।

ଏପରିକି ଏଠାରେ କାର୍ଯ୍ୟରତ ଥିବା ଜଣେ ଶ୍ରମିକ ନିଖୋଜ ଥିବା ଅଭିଯୋଗ ହୋଇଥିବାବେଳେ କମ୍ପାନୀ ତରଫରୁ କିନ୍ତୁ ତାହା ସ୍ପଷ୍ଟ କରାଯାଇନାହିଁ । ଗୁରୁବାର ପ୍ରାୟ ସାଢେ ୭ଟାରୁ ୮ଟା ମଧ୍ୟରେ ପେଲେଟ୍ ପ୍ଲାଣ୍ଟର ସିଲରି ପଣ୍ଡ ପାଚେରି ଭାଙ୍ଗି ଯାଇଥିଲା । ଫଳରେ ଏଠାରେ ଜମାଟ ବାନ୍ଧିଥିବା ବିଷାକ୍ତ ତରଳ ଲୁହା ଫାଇନ୍ସ ନିକଟସ୍ଥ ବାଞ୍ଜିବେର୍ଣ୍ଣା ଗାଁ ଆଡ଼କୁ ମାଡିଯାଇଥିଲା ।

ବ୍ୟାପକ ଚାଷ ଜମିକୁ ଏହା ଛାଇ ଯାଇଥିବା ବେଳେ ଗାଁ ପୋଖରୀକୁ ମଧ୍ୟ ପ୍ରବେଶ କରିଛି ଏହି ବିଷାକ୍ତ ପାଣି । ଏନେଇ ପୋଲିସ ତଦନ୍ତ ଆରମ୍ଭ କରିଥିବାବେଳେ ରେଙ୍ଗାଲି ତହସିଲଦାର ପହଞ୍ଚି ଗ୍ରାମବାସୀଙ୍କ କ୍ଷତି ଆକଳନ କରିଛନ୍ତି ।

Leave a Reply