ଜେ.ପି ନଡ୍ଡାଙ୍କ ଗୁରୁତର ଅଭିଯୋଗ: କହିଲେ ‘ଚୀନଠାରୁ ଟଙ୍କା ନେଇଛି କଂଗ୍ରେସ, ହିସାବ ଚାହୁଁଛି ଦେଶ’

ନୂଆଦିଲ୍ଲୀ: ଭାରତୀୟ ଜନତା ପାର୍ଟି (ବିଜେପି)ର ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କ ଟାର୍ଗେଟରେ କଂଗ୍ରେସ । ମଧ୍ୟପ୍ରଦେଶର ଅନୁଷ୍ଠିତ ଦଳର ଏକ ଭର୍ଚ୍ୟୁଆଲ୍‌ ରାଲିରେ କଂଗ୍ରେସ ଉପରେ ବର୍ଷିଛନ୍ତି ଜେ.ପି ନଡ୍ଡା । କଂଗ୍ରେସ ବିରୋଧରେ ଆଣିଛନ୍ତି ଗୁରୁତର ଅଭିଯୋଗ । ଚୀନ ଦୂତାବାସରୁ ରାଜୀବ ଗାନ୍ଧୀ ଫାଉଣ୍ଡେସନ୍‌ ଦାନ ସୂତ୍ରରେ ମୋଟା ଅଙ୍କର ଟଙ୍କା ଆଣିଥିବା ଅଭିଯୋଗ ଆଣିଛନ୍ତି ଶ୍ରୀ ନଡ୍ଡା ।

ମଧ୍ୟପ୍ରଦେଶର ଲୋକମାନଙ୍କୁ ସମ୍ୱୋଧିତ କରି ସେ  ଆହୁରୀ କହିଛନ୍ତିି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯାହା କରିଛନ୍ତି ତାହା ଗତ ୬ ଦଶନ୍ଧି ମଧ୍ୟରେ କେହିଁ କରିନାହାନ୍ତି । ଜମ୍ମୁ କଶ୍ମୀର ୩୭୦ ଉଚ୍ଛେଦ କରିଛନ୍ତି ମୋଦି । ଏହାପରେ ଜମ୍ମୁ କଶ୍ମୀରରେ ଏବେ ବାଲ୍ମିକୀର ପୁଅ ମଧ୍ୟ ଜଣେ ଡାକ୍ତର କିମ୍ୱା ଇଞ୍ଜିନିୟର ହୋଇପାରିବ । ଏବେ ଜମ୍ମୁ କଶ୍ମୀରରେ ଭାରତ ୧୦୬ଟି ନିୟମ ଲାଗୁ ହୋଇପାରିବ ।

ଏଥିସହିତ ଶ୍ରୀ ନଡ୍ଡା ଏକ ଟିଭି ରିପୋର୍ଟକୁ ଦର୍ଶାଇ କହିଛନ୍ତି ଯେ, ୨୦୦୫-୦୬ରେ ଚୀନ ଦୂତାବାସ ରାଜୀବ ଗାନ୍ଧୀ ଫାଉଣ୍ଡେସନକୁ ମୋଟା ଅଙ୍କର ଅର୍ଥ ପ୍ରଦାନ କରିଛି । ଏହା ଚାଇନା ଏବଂ କଂଗ୍ରେସର ଗୁପ୍ତ ସମ୍ପର୍କ ।

I am amazed that the Rajiv Gandhi Foundation received 3 hundred thousand USD from the People's Republic of China & the Chinese Embassy in 2005-06. This is the secret relation of Congress & China: BJP president JP Nadda during Madhya Pradesh Jan Samvad Rally via video conferencing pic.twitter.com/ArA513D0Xr

— ANI (@ANI) June 25, 2020

ଏଭଳି ପରିବାର କେବେ ବିରୋଧୀ ହୋଇପାରିବେ ନାହିଁ । ଚାଇନା ଠାରୁ ଯେଉଁ ଅର୍ଥ ଗ୍ରହଣ କରାଯାଇଛି ସେ ସମ୍ପର୍କରେ କଂଗ୍ରେସ ଦେଶବାସୀଙ୍କୁ ଅବଗତ କରାନ୍ତୁ ବୋଲି କହିଛନ୍ତି ଜେ.ପି ନଡ୍ଡା ।

ଗୁପ୍ତରେ ସାକ୍ଷାତ କରୁଥିଲେ ରାହୁଲ

ରାହୁଲ ଗଲଓ୍ୱାନ ଘାଟି ମାମଲାରେ ମଧ୍ୟ ରାଜନୀତି କରୁଥିବା କହିଛନ୍ତି ଜେ.ପି ନଡ୍ଡା । ସେ ନିଜ ସମ୍ୱୋଧନରେ ଲୋକଙ୍କୁ ମନେପକେଇବାକୁ ଯାଇ କହିଛନ୍ତି ଯେ, ଇଏ ସେଇ କଂଗ୍ରେସ ଯିଏ ୨୦୧୭ ଅଗଷ୍ଟ ମସିହାରେ ଭାରତ-ଚୀନ ଷ୍ଟାଣ୍ଡ ଅଫ୍ ସମୟରେ ରାହୁଲ ଗାନ୍ଧୀ ଚୀନ ରାଜଦୂତ ସହ ଗୁପ୍ତରେ ସକ୍ଷାତ କରିଥିଲେ । ସେ ଆହୁରୀ କହିଛନ୍ତି, ଦେଶର ଜନତା ଚାହୁଁଛନ୍ତି ରାଜୀବ ଗାନ୍ଧୀ ଫାଉଣ୍ଡେସନ୍‌କୁ କାହିକି ୩୦୦ ହଜାର ୟୁଏସ୍‌ ଡଲାର ଦିଆଗଲା ।