ମଧୁମିତା ଆତ୍ମହତ୍ଯା ମାମଲା: ଛାନବିନ ଲାଗି ମଧୁମିତାଙ୍କ ଘରେ ପହଞ୍ଚିଲା ପୋଲିସ

ଭୁବନେଶ୍ୱର: ସାମ୍ବାଦିକ ମଧୁମିତା ପରିଡ଼ା ଆତ୍ମହତ୍ଯା ମାମଲାରେ ଧଉଳି ଥାନା ପୋଲିସର ଛାନବିନ। ମଧୁମିତାଙ୍କ ସ୍ବାମୀ ଶ୍ରୀଧର ଜେନାଙ୍କୁ ଦିନିକିଆ ରିମାଣ୍ଡରେ ଆଣି ପଚରାଉଚରା କରୁଛି ପୋଲିସ । ଅଭିଯୁକ୍ତ ଶ୍ରୀଧର ରହୁଥିବା ଭଡ଼ାଘରେ ଛାନବିନ କରିଛି ପୋଲିସ । ଶ୍ରୀଧରକୁ ନେଇ ଧଉଳି ଥାନା ଇନ୍ଦିରା କଲୋନିରେ ଥିବା ଭଡ଼ା ଘରେ ତନତନ କରି ଯାଞ୍ଚ କରିଛି ପୋଲିସ। ଏହି ଭଡ଼ା ଘରୁ ମଧୁମିତାଙ୍କ ସୁଇସାଇଡ୍ ନୋଟ ଜବତ ହୋଇଛି।

ସେପଟେ ଶ୍ରୀଧର କହିଛନ୍ତି, ତାଙ୍କ ବିରୋଧରେ ଆସିଥିବା ଅଭିଯୋଗ ମିଛ। ଛାଡପତ୍ର କଥା ପୂର୍ବରୁ ମଧୁ ଓ ତାଙ୍କ ପରିବାର ଜାଣିଥିଲେ। ସ୍ବାମୀଙ୍କ ପରକୀୟା ପ୍ରୀତି ଥିଲା ବୋଲି ଅଭିଯୋଗ କରିଥିଲେ ମଧୁମିତା। ଗତ ୨୪ ତାରିଖରେ ଟ୍ରେନ ଆଗକୁ ଡେଇଁ ସେ ଆତ୍ମହତ୍ଯା କରିଥିବାର ଅଭିଯୋଗ ହୋଇଥିଲା। କିନ୍ତୁ ପରିବାର ଲୋକେ ଝିଅକୁ ହତ୍ଯା କରାଯାଥିବା ଅଭିଯୋଗ କରିଥିଲେ।