କୋଭିଡରେ ଯୁବ ସାମ୍ବାଦିକ ରଘୁନାଥ ସାହୁଙ୍କ ଦେହାନ୍ତ

ଅନୁଗୋଳ: କରୋନା ନେଲା ଆଉଜଣେ ସାମ୍ବାଦିକଙ୍କ ଜୀବନ । ଜୀ ଓଡିଶାର ଅନୁଗୁଳ ପ୍ରତିନିଧି ରଘୁନାଥ ସାହୁଙ୍କ ଆଜି ପରଲୋକ ଘଟିଛି । ପଜିଟିଭ୍ ଚିହ୍ନଟ ପରେ ସେ ଭୁବନେଶ୍ୱରର ଏକ ଘରୋଇ କୋଭିଡ ହସପିଟାଲରେ ଗତ ବୁଧବାର ଦିନ ଭର୍ତ୍ତି ହୋଇଥିଲେ । ତେବେ ଆଜି ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଛି ।

ମୃତ୍ୟୁ ବେଳକୁ ତାଙ୍କୁ ୨୯ ବର୍ଷ ବୟସ ହୋଇଥିଲା । ଏ ପର୍ଯ୍ୟନ୍ତ କରୋନା ନେଲାଣି ୩୭ ଜଣ ସାମ୍ବାଦିକଙ୍କ ଜୀବନ । ଚଳିତ ବର୍ଷ ୩୩ ଜଣ ସାମ୍ବାଦିକଙ୍କ ମୃତ୍ୟୁ ହୋଇଥିବାବେଳେ ଗତ ବର୍ଷ ମହାମାରୀରେ ୪ ଜଣ ସାମ୍ବାଦିକ ପ୍ରାଣ ହରାଇଥିଲେ ।