ହାର ମାନିଲା ଜନସନ୍ ଆଣ୍ଡ ଜନସନ୍ କମ୍ପାନୀ, ଆସନ୍ତାବର୍ଷଠୁ ବନ୍ଦ ହେବ ଶିଶୁଙ୍କ ପାଇଁ ଉଦ୍ଦିଷ୍ଟ ପାଉଡର 

ନୂଆଦିଲ୍ଲୀ: ଆସନ୍ତାବର୍ଷଠାରୁ ଜନସନ୍ ଆଣ୍ଡ ଜନସନ୍ ପକ୍ଷରୁ ଶିଶୁଙ୍କ ପାଇଁ ବିକ୍ରି ହେଉଥିବା ପାଉଡର ବନ୍ଦ ହୋଇଯିବ । ବଜାରରେ ଆଉ ଏହି ପାଉଡରର ବିକ୍ରି ହେବ ନାହିଁ । ପାଉଡର ଲଗାଇଲେ କ୍ୟାନସର ଭଳି ଦୁରାରୋଗ୍ୟ ହେଉଥିବାରୁ ଏନେଇ ଅନେକ ଅଭିଯୋଗ ହୋଇଥିଲା । ଗତ ଦୁଇ ବର୍ଷ ଭିତରେ କମ୍ପାନୀ ନାଁରେ ଅନେକ ଅଭିଯୋଗ ଆସିବା ପରେ ଏଭଳି ନିଷ୍ପତ୍ତି ନିଆଯାଇଛି । ତେବେ ଏବେ ବି କମ୍ପାନୀ ପକ୍ଷରୁ କ୍ୟାନସର ଅଭିଯୋଗକୁ ଖଣ୍ଡନ କରାଯାଇଛି । ଅନେକ ବୈଜ୍ଞାନିକ ଗବେଷଣା କରିବା ପରେ ଏହା ସ୍ପଷ୍ଟ ଯେ ପାଉଡର ଲଗାଇଲେ କୌଣସି ରୋଗ ହୁଏ ନାହିଁ । କିନ୍ତୁ ଆଇନଗତ ଦିଗରେ କମ୍ପାନୀ ଅନେକ କ୍ଷତି ସହୁଥିବାରୁ ପାଉଡରକୁ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି ।