କ୍ଳିନିକାଲ୍ ଟ୍ରାଏଲ ଲାଗି ଭାରତ ସରକାରଙ୍କୁ ଅନୁମତି ମାଗିଲା ଜନସନ୍ ଆଣ୍ଡ ଜନସନ୍

ନୂଆଦିଲ୍ଲୀ: ୧୨ରୁ ୧୭ ବର୍ଷ ବୟସ୍କଙ୍କ ଲାଗି ଉପଲବ୍ଧ ହୋଇପାରେ ସିଙ୍ଗଲ ଡୋଜ ଭ୍ୟାକ୍ସିନ୍ । ଏନେଇ କ୍ଲିନିକାଲ ଟ୍ରାଏଲ ଲାଗି ଭାରତ ସରକାରଙ୍କଠାରୁ ଅନୁମତି ମାଗିଛି ଜନସନ ଆଣ୍ଡ ଜନସନ । ଯଦି ସରକାରଙ୍କ ପକ୍ଷରୁ ଏଥିଲାଗି ଅନୁମତି ମିଳିବ ତେବେ ଦେଶରେ ଖୁବ୍ ଶୀଘ୍ର ୧୨ରୁ ୧୭ ବର୍ଷ ବୟସ୍କଙ୍କୁ ସିଙ୍ଗଲ ଡୋଜ ଟିକା ମିଳିବ । ଆମେରିକାର ଫାର୍ମା କମ୍ପାନୀ ଜନସନ ଆଣ୍ଡ ଜନସନ ପକ୍ଷରୁ ଭାରତ ସରକାରଙ୍କ କେନ୍ଦ୍ରୀୟ ଔଷଧ ମାନକ ନିୟନ୍ତ୍ରଣ ସଂଗଠନ ବା ସିଡିଏସସିଓଙ୍କଠାରେ ଆବେଦନ କରାଯାଇଛି । ଫେଜ-୩ ଟ୍ରାଏଲରେ ଜନସନ ଟିକା କୋଭିଡର ମୁକାବିଲାରେ ୮୫ ପ୍ରତିଶତ ସଫଳ ହୋଇଥିବା ପ୍ରମାଣିତ ହୋଇଛି । ଗତ ଅଗଷ୍ଟ ୭ ତାରିଖରେ ଭାରତରେ ୧୮ ବର୍ଷରୁ ଅଧିକ ବୟସର ଲୋକଙ୍କ ଲାଗି ଜନସନ ଟିକାକୁ ଜରୁରୀକାଳୀନ ବ୍ୟବହାର ଲାଗି ଅନୁମତି ଦିଆଯାଇଥିଲା । ସରକାର ଯଦି ଜନସନକୁ ଅନୁମତି ଦିଅନ୍ତି ତେବେ ଦେଶରେ ଟିକାକରଣ କାର୍ଯ୍ୟ ଯଥେଷ୍ଟ ଆଗେଇବ ।

ଏଥିସହିତ ପଢ଼ନ୍ତୁ: ଆଫଗାନିସ୍ତାନ ବିମାନ ବନ୍ଦରର ଆଉ ଏକ ଛାତିଥରା ଦୃଶ୍ୟ: ଏଭଳି ଅବସ୍ଥା ଦେଖି କାନ୍ଦିପକାଇଲେ ସୈନିକ