ଜୋହନସବର୍ଗରେ ବଡ଼ଧରଣର ଅଗ୍ନିକାଣ୍ଡ

ନନ୍ଦିଘୋଷ ବ୍ୟୁରୋ: ସାଉଥ ଆଫ୍ରିକାର ଜୋହନସବର୍ଗରେ ବଡ଼ଧରଣର ଅଗ୍ନିକାଣ୍ଡ । ଏକ ବୃହତ କୋଠାରେ ଅଗ୍ନିକାଣ୍ଡ ଘଟିବା ଯୋଗୁ ପ୍ରାଣ ହରାଇଛନ୍ତି ୭୩ ଜଣ । ଆହତ ହୋଇଛନ୍ତି ୪୫ରୁ ଅଧିକ ଲୋକ । ମୃତାହତଙ୍କ ସଂଖ୍ୟା ଆହୁରି ଅଧିକ ହେବ ବୋଲି ସୂଚନା ମିଳିଛି । ଦୀର୍ଘସମୟ ଧରି ନିଆଁ ଲାଗିବା ଯୋଗୁ କୋଠାରେ ବ୍ୟାପକ କ୍ଷତି ଘଟିଛି । ଘଟଣାସ୍ଥଳରେ ଜରୁରୀକାଳୀନ ବାହିନୀ ମୁତୟନ ରହି ଉଦ୍ଧାର କାର୍ଯ୍ୟ କରିଥିଲେ । ଏହି କୋଠାରେ ଯେଉଁମାନଙ୍କୁ ଘର ସୁବିଧା ଦିଆଯାଇ ନଥିଲା ସେମାନଙ୍କୁ ରଖାଯାଇଥିଲା । ବିଭିନ୍ନ୍ ମହଲାରେ ସେହି କୋଠାରେ ପ୍ରାୟ ୨୦୦ ଲୋକ ରହୁଥିଲେ । ତେବେ ଅଗ୍ନିକାଣ୍ଡର କାରଣ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ । ଅଗ୍ନିକାଣ୍ଡ ପରେ ପାଞ୍ଚ ମହଲାରେ ଥିବା ସମସ୍ତ ଲୋକଙ୍କୁ ସ୍ଥାନାନ୍ତରିତ କରାଯାଇଛି ।