ମୋବାଇଲ ଡାଟା ପାଇଁ ସାନ ଭାଇକୁ ଛୁରି ଭୁସିଲା ବଡ ଭାଇ

ଯୋଧପୁର: ରାଜସ୍ଥାନର ଯୋଧପୁରରେ ଏକ ଚାଞ୍ଚଲ୍ୟକର ଘଟଣା ନଜରକୁ ଆସିଛି। ଜଣେ ୧୨ ବର୍ଷୀୟ ନାବାଳକ ଜଣକ ବଡ଼ ଭାଇର ମୋବାଇଲରୁ ସବୁ ଇଣ୍ଟରନେଟ୍ ଡାଟା ସାରିଦେବାରୁ ଏଥିରେ କ୍ରୋଧାନ୍ବିତ ବଡ ଭାଇ ତାକୁ ଛୁରୀ ଭୁସି ହତ୍ୟା କରିଛି।

ଯାହାପରେ ରକ୍ତ ଜୁଡୁବୁଡୁ ଅବସ୍ଥାରେ ତାକୁ ଛାଡି ଦେଇ ଘରୁ ବାହାରିକି ପଳାଇଯାଇଥିଲା ।

ସୂଚନା ଅନୁଯାୟୀ ଗତ ବୁଧବାର ସନ୍ଧ୍ୟାରେ ଏହି ଅଘଟଣ ଘଟିଛି। ସାନ ଭାଇ ରୟଙ୍କୁ ତାଙ୍କ ବଡ଼ ଭାଇ ରମଣ (23)ଘରର ଛାତକୁ ନେଇ ଯାଇ ତାକୁ ପାଖାପାଖି ୪ଥର ଛୁରୀ ଭୁସି ଥିଲା। ରୟଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ଦେଖି ତାଙ୍କ ମା ଓ ଭଉଣୀ ଚକିତ ହୋଇପଡିଥିଲେ । ପରେ ରୟଙ୍କୁ ଡାକ୍ତରଖାନା ନିଆଯାଇଥିଲା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ତେବେ କୋଚିଂ କରି ରମଣ ପରିବାରର ପ୍ରତିପୋଷଣ କରୁଥିଲା ବୋଲି ଜଣାପଡିଛି । ପୋଲିସର କହିବାନୁଯାୟୀ, ଅଭିଯୁକ୍ତ ରମଣର ମାନସିକ ସନ୍ତୁଳନ ଠିକ୍ ନୁହେଁ। ତାଙ୍କ ପିତା କୈଳାଶଦାନ ଚରଣ ପାଓ୍ବଟା ବି ରୋଡ ସ୍ଥିତ ବୀର ଦୁର୍ଗାଦାସ କଲୋନୀରେ ପତ୍ନୀ ଓ ୫ ପୁଅଝିଅଙ୍କ ସହ ବସବାସ କରୁଥିଲେ ।