ଡେରାବିଶ ବ୍ଲକ ଜଅଁରା ବାରିମୂଳ ପଞ୍ଚାୟତ ଏମବିକେ ପୋଷ୍ଟରେ ଜାଲିଆତି !

ପାଟକୁରା : ଡେରାବିଶରେ ବଢ଼ି ଚାଲିଛି  ସରକାରୀ ଚାକିରି ପାଇଥିବା ଜାଲ ସାର୍ଟିଫିକେଟଧାରୀଙ୍କ ସଂଖ୍ଯା।  ଡେରାବିଶ ବ୍ଲକ ଜଅଁରା ବାରିମୂଳ ପଞ୍ଚାୟତର ଏମବିକେ ପୋଷ୍ଟ ପାଇଥିବା ମହିଳା ସ୍ୱୟଂପ୍ରଭା ମିଶ୍ରଙ୍କ ନାମରେ ସାଙ୍ଘାତିକ ଅଭିଯୋଗ।  ଶ୍ରୀ ଜଗନ୍ନାଥ ସଂସ୍କୃତ ବିଶ୍ଵବିଦ୍ୟାଳୟ ଓ ବେଲେଶ୍ବର ମହାଦେବ ସଂସ୍କୃତ ମହାବିଦ୍ୟାଳୟର ନାଁକୁ ବ୍ୟବହାର କରି ନକଲି ଶିକ୍ଷାଗତ ପ୍ରମାଣ ପତ୍ର ଜରିଆରେ ଚାକିରି ପାଇଥିବା ନେଇ ହୋଇଛି ଅଭିଯୋଗ। ଜଅଁରା ବାରିମୂଳ ପଞ୍ଚାୟତର ଏମବିକେ ଲାଗି ସ୍ବୟଂପ୍ରଭା ଦେଢ ବର୍ଷ ତଳେ ନକଲି ସାର୍ଟିଫିକେଟ ଦେଇ ଚାକିରି ହାତେଇ ଥିବା ଆରଟିଆଇ ତଥ୍ଯରୁ ଜଣାପଡିଛି। ବେଲେଶ୍ୱର ମହାଦେବ ସଂସ୍କୃତ ମହାବିଦ୍ୟାଳୟ ପକ୍ଷରୁ ଦିଆଯାଇଥିବା ତଥ୍ୟ ଅନୁଯାୟୀ ସେ ସେହି କଲେଜ ରେ ପଢ଼ି ନଥିଲେ। ଅଭିଯୋଗ ଆସିବା ପରେ ଏମବିକେ ପୋଷ୍ଟରୁ ସ୍ବୟଂପ୍ରଭା ଇସ୍ତଫା ଦେଇଛନ୍ତି। ତେବେ ସ୍ବୟଂପ୍ରଭା ଏମବିକରୁ ଇସ୍ତଫା ଦେଇନାହାନ୍ତି ବୋଲି କହିଛନ୍ତି ଡେରାବିଶ ବିଡ଼ିଓ ନମିତା ବାରିକ। ଏନେଇ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି।