ଚାକିରି କରେଇଦେବାକୁ କହି ଠକେଇ: ବନ୍ଧା ହେଲେ ୨ ନର୍ସ
ଭୁବନେଶ୍ୱର: ରାଜଧାନୀରେ ନର୍ସ ୪୨୦ । ଚାକିରି ନାଁ ଚାଲିଥିଲା ଠକେଇ । ଲକ୍ଡାଉନ୍ କଟକଣା ମଧ୍ୟରେ ଜୀବନ ଜୀବିକା ବହୁମାତ୍ରାରେ ପ୍ରଭାବିତ ହୋଇଥିବା ବେଳେ ଏବେ ପୁଣି ମୁଣ୍ଡ ଟେକିଛି ଠକେଇ । ଏମ୍ସରେ ଚାକିରି ଦେବା ନାଁରେ ଠକେଇ ଅଭିଯୋଗ । ଠକେଇ ଉଦ୍ଯମ ବେଳେ ଦୁଇ ମହିଳା ନର୍ସକୁ ରେଡ୍ ହ୍ଯାଣ୍ଡ ଧରିଛି ପୋଲିସ । ଦୁଇ ଜଣଙ୍କୁ ଅଟକ ରଖିଲା ଏୟାରଫିଲ୍ଡ ଥାନା ପୋଲିସ ।
ଦୁଇଜଣ ନର୍ସ ଘରୋଇ ହସପିଟାଲରେ ଷ୍ଟାଫ ନର୍ସ ଚାକିରି କରନ୍ତି । ଚାକିରି ପାଇଁ ୨ ଲକ୍ଷ ଦେବାକୁ କହିଥିଲେ । ଗତ ୨୪ ତାରିଖରେ ୧ଲକ୍ଷ ୫୦ ହଜାର ନେଇଥାନ୍ତେ । କିନ୍ତୁ ଅଧା ଟଙ୍କା ଦେଇଥିବା ବେଳେ ଆଜି ଆଉ ବାକି ଟଙ୍କା ନେବାକୁ ଆସିଥିଲେ । ଏଥିପାଇଁ କୋଳଥିଆରେ ଟଙ୍କା ନେବାକୁ ଡାକିଥିଲେ ଦୁଇ ଜଣନର୍ସ । ଏ ନେଇ ପୋଲିସ ଖବର ପାଇଁ ଘଟଣାସ୍ଥଳରେ ପହଞ୍ଚି ସେମାନଙ୍କୁ ନିଜ ହେପାଜତକୁ ନେଇଛି ।
