JNUରେ ପ୍ରତିଷ୍ଠା ହେବ ବିଜୁ ପଟ୍ଟନାୟକ ସ୍ବତନ୍ତ୍ର କେନ୍ଦ୍ର

ଭୁବନେଶ୍ବର: ଜେଏନୟୁରେ ପ୍ରତିଷ୍ଠା ହେବ ବିଜୁ ପଟ୍ଟନାୟକ ସ୍ୱତନ୍ତ୍ର କେନ୍ଦ୍ର । କେନ୍ଦ୍ରରେ ଓଡ଼ିଆ ଭାଷା ସହ ଜଗନ୍ନାଥ ସଂସ୍କୃତିର ଅଧ୍ୟୟନ କରାଯିବ । ଏହି କେନ୍ଦ୍ରରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ନେତୃତ୍ୱ ଓ ଶାସନ ବ୍ୟବସ୍ଥାର ଅଧ୍ୟୟନ କରାଯିବ । କେନ୍ଦ୍ର ପ୍ରତିଷ୍ଠା ନେଇ ଜେଏନୟୁ ସହ ରାଜ୍ୟ ସରକାର କରିଛନ୍ତି ଏମଓୟୁ ସ୍ବାକ୍ଷର ।
ବିଜୁ ପଟ୍ଟନାୟକ ସ୍ୱତନ୍ତ୍ର କେନ୍ଦ୍ର ପାଇଁ ୧୦ କୋଟି ଟଙ୍କା ଯୋଗାଇ ଦେବେ ରାଜ୍ୟ ସରକାର । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିଥିଲେ ଜେଏନୟୁ କୁଳପତି ଏସ.ଡି. ପଣ୍ଡିତ । ଓଡ଼ିଆ ଭାଷା, ସାହିତ୍ୟ, ସଂସ୍କୃତିକୁ ପ୍ରୋତ୍ସାହନ କରୁଥିବାରୁ ମୁଖ୍ୟମନ୍ତ୍ରୀଙ୍କୁ ପ୍ରଶଂସା କରିଛନ୍ତି କୁଳପତି ।