ନୂଆଦିଲ୍ଲୀ: ସାରା ଦେଶରେ ପୁଣି ଥରେ କରୋନା ବ୍ୟାପିବାରେ ଲାଗିଛି। ଗତ ୨୪ ଘଣ୍ଟା ମଧ୍ୟରେ ଦେଶରେ ୩୫୮ ନୂଆ ମାମଲା ରୁଜୁ କରାଯାଇଛି। କ୍ରମାଗତ ଭାବେ କରୋନା ମାମଲା ବୃଦ୍ଧି ପାଉଥିବାରୁ ଚିନ୍ତାର ବିଷୟ ପାଲଟିଛି।
ସେହିପରି ଗତ ୨୪ ଘଣ୍ଟା ମଧ୍ୟରେ ଭାରତରେ କରୋନା ସଂକ୍ରମଣ ଯୋଗୁଁ ୬ ଜଣଙ୍କର ମୃତ୍ୟୁ ଘଟିଛି। ବର୍ତ୍ତମାନ ସମୟରେ ଚଣ୍ଡିଗଡ଼ରେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି। ଏଭଳି ପରିସ୍ଥିତିରେ ମନକୁ ଆସୁଥିବ ଯେ କେଉଁ ରାଜ୍ୟରେ କରୋନା ଅଧିକ ବ୍ୟାପୁଛି।
ରିପୋର୍ଟ ଅନୁସାରେ ଦକ୍ଷିଣ ଭାରତୀୟ ରାଜ୍ୟ କେରଳରେ ସର୍ବାଧିକ କରୋନା ମାମଲା ଦେଖିବାକୁ ମିଳୁଛି। ବୁଧବାର ଦିନ ମୋଟ୍ ୩୫୮ ମାମଲା ମଧ୍ୟରୁ କେବଳ କେରଳରେ ୩୦୦ ମାମଲା ରୁଜୁ ହୋଇଛି। ସେହିପରି ମୃତ୍ୟୁ ସଂଖ୍ୟା ୩ ରହିଛି। ଦେଶରେ ବର୍ତ୍ତମାନ ସମୟରେ କୋଭିଡ଼ର ମୋଟ୍ ମାମଲା ୨୬୬୯ ରହିଛି। ମୃତ୍ୟୁ ସଂଖ୍ୟା ଦେଖିଲେ କେରଳ ପରେ କର୍ଣ୍ଣାଟକ ଓ ପଞ୍ଜାବରେ ଯଥାକ୍ରମେ ଦୁଇ ଓ ଜଣଙ୍କର ମୃତ୍ୟୁ ହୋଇଛି।
ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କେରଳ ଉପରେ ତୀକ୍ଷ୍ନ ନଜର ରଖାଯାଇଛି। କେରଳରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୨୩୪୧ ରହିଛି। ଏପଟେ ଭୟଭୀତ ନହୋଇ ସତର୍କ ରହିବାକୁ ପରାମର୍ଶ ଦେଇଛି ମନ୍ତ୍ରଣାଳୟ।
