ଶଙ୍ଖ ଫୁଙ୍କିଲେ JMM ଉପ ସଭାପତି ଶିବିୟାନ ଆଇଣ୍ଡ
ଭୁବନେଶ୍ୱର: ବିଜେଡିରେ ଯୋଗଦେଲେ ବୀରମିତ୍ରପୁରର ଜେଏମ୍ଏମ୍ ବିଧାୟକ ପ୍ରାର୍ଥୀ ତଥା ରାଜ୍ୟ ଜେଏମ୍ଏମ୍ ଉପ ସଭାପତି ଶିବିୟାନ ଆଇଣ୍ଡ । ରାଜ୍ୟ ବିଜୁ ଯୁବ କାର୍ଯ୍ୟାଳୟରେ ଶହ ଶହ ସମର୍ଥକଙ୍କ ଶହ ବିଜେଡିରେ ବିଧିବଦ୍ଧ ଭାବେ ସାମିଲ ହୋଇଛନ୍ତି ଶିବିୟାନ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ସେ ବିଜେଡିରେ ସାମିଲ ହୋଇଥିବା କହିଛନ୍ତି ।
ବିଜେଡିର ଏହି ମହାମିଶ୍ରଣ ପର୍ବରେ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ସେ ଶଙ୍ଖ ଧରିଛନ୍ତି । କାର୍ଯ୍ୟକ୍ରମରେ ସୁନ୍ଦରଗଡ଼ ପର୍ଯ୍ୟବେକ୍ଷକ ପ୍ରୀତି ରଞ୍ଜନ ଘଡ଼ାଇ, ରାଉରକେଲା ବିଧାୟକ ସାରଦା ପ୍ରସନ୍ନ ନାୟକ, ଖଦି ବୋର୍ଡ଼ ଅଧ୍ୟକ୍ଷ ତଥା ସୁନ୍ଦରଗଡ଼ ସହ ପର୍ଯ୍ୟବେକ୍ଷକ ସଂଗ୍ରାମ ପାଇକରାୟ ପ୍ରମୁଖ ଉପସ୍ଥିତ ଥିଲେ । ଜେଏମଏମର ଜଣେ ଆଗ ଧାଡିର ନେତା ଥିବା ଶିବିୟାନ ଆଇଣ୍ଡ ବିଜେଡ଼ିରେ ମିଶିବା ଦ୍ୱାରା ଦଳ ସୁଦୃଢ ହେବା ନେଇ ମତପ୍ରକାଶ କରିଛନ୍ତି ଉପସ୍ଥିତ ବିଜେଡ଼ି ନେତା ।
