ଜାମ୍ମୁକାଶ୍ମୀରରେ ପୁଣି ୩ ଆତଙ୍କୀ ନିହତ
ସୋପିଆଁ: ଜମ୍ମୁକାଶ୍ମୀରରେ ପୁଣି ସୁରକ୍ଷାବଳ ଓ ଆତଙ୍କୀ ମୁହାଁମୁହିଁ। ସୋପିଆଁ ଜିଲ୍ଲାର ତୁର୍କୱାନଗାମ ଅଞ୍ଚଳରେ ଆତଙ୍କୀ ଡେରା ପକାଇଥିବା ଖବର ପାଇ ସେନା ସର୍ଚ୍ଚ ଅପରେସନ୍ ଆରମ୍ଭ କରିଥିଲା । ଏବଂ ସୁରକ୍ଷାବଳଙ୍କ ଦ୍ୱାରା ପ୍ରସ୍ତୁତ କରାଯାଇଥିବା ଯୋଜନାରେ ଫସି ଯାଇଥିଲେ ଆତଙ୍କୀ । ଏହାପରେ ସୁରକ୍ଷାବଳଙ୍କ ଗୁଳିରେ ହିଁ ୩ ଆତଙ୍କୀ ନିହତ ହୋଇଥିବା ସୂଚନା ମିଳିଛି । ଏବେବି ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି।
ପୂର୍ବରୁ ଜମ୍ମୁକାଶ୍ମୀରର ସୋପିଆଁ ପୁଲୱାମା, କୁଲଗାମ ଓ ଅନନ୍ତନାଗରେ ସୁରକ୍ଷାବଳ ଓ ଆତଙ୍କୀ ମଧ୍ୟରେ ଗୁଳିବିନିମୟ ହୋଇଥିଲା । ଏଇ କିଛିଦିନ ମଧ୍ୟରେ ପାଖାପାଖି ୨୦ କିମ୍ବା ତାଠାରୁ ଅଧିକ ଆତଙ୍କୀଙ୍କୁ ଏନକାଉଣ୍ଟର କରିବାରେ ସଫଳ ହୋଇଛନ୍ତି ସୁରକ୍ଷାକର୍ମୀ ।
