ଜିଓ ପକ୍ଷରୁ ‘ଜିଓଫୋନ୍ ପ୍ରାଇମା’ର ଶୁଭାରମ୍ଭ, ପାଇପାରିବେ ଏହିସବୁ ସୁବିଧା
1 min read
ଭୁବନେଶ୍ୱର: ରିଲାଏନ୍ସ ଜିଓ ପକ୍ଷରୁ କାଇ-ଓଏସ୍ ଆଧାରିତ 4G କି-ପ୍ୟାଡ ସ୍ମାର୍ଟଫୋନ୍ ‘ଜିଓଫୋନ୍ ପ୍ରାଇମା’ ଶୁଭାରମ୍ଭ କରାଯାଇଛି । ଏହା କି-ପ୍ୟାଡ ସ୍ମାର୍ଟଫୋନର ଏକ ସୁଲଭ ଏବଂ ଉନ୍ନତ ସଂସ୍କରଣ, ଯାହା କମ୍ପାନୀ ବଜାରରେ ୨୫୯୯ ଟଙ୍କାରେ ଉପଲବ୍ଧ କରିଛି । ୟୁଟ୍ୟୁବ୍, ଫେସବୁକ୍, ହ୍ୱାଟ୍ସଅପ, ଗୁଗୁଲ୍ ଭଏସ୍ ଆସିଷ୍ଟାଣ୍ଟ ପରି ସମସ୍ତ ସୁବିଧା ଓ ଫିଚର ବର୍ତ୍ତମାନ କେବଳ ଗୋଟିଏ କ୍ଲିକ୍ ରେ ଜିଓଫୋନ୍ ପ୍ରାଇମାରେ ଉପଲବ୍ଧ ହେବ ।
ଜିଓ ଏହାର ନୂତନ କି-ପ୍ୟାଡ୍ ସ୍ମାର୍ଟଫୋନର ଲୁକ୍ ଏବଂ ଡିଜାଇନ୍ ଉପରେ ଅନେକ କାମ କରିଛି । ଜିଓଫୋନ୍ ପ୍ରାଇମାର ଡିଜାଇନ୍ ବର୍ତ୍ତମାନ ବହୁତ ବୋଲ୍ଡ ଏବଂ ପ୍ରିମିୟମ୍ ଦେଖାଯାଉଛି । ୨.୪ ଇଞ୍ଚ ଡ଼ିସପ୍ଲେ ସ୍କ୍ରିନ୍ ବହୁତ ଭଲ ପ୍ରଦର୍ଶନ / ଫଳାଫଳ ଦେଇଥାଏ । ଏହି ସ୍ମାର୍ଟଫୋନ୍ ରେ ୧୮୦୦ ଏମଏଏଚ (1800mAh) ର ଶକ୍ତିଶାଳୀ ବ୍ୟାଟେରୀ ରହିଛି ।
ଭିଡିଓ କଲିଂ ଏବଂ ଫଟୋଗ୍ରାଫି ପାଇଁ ଏହି ମୋବାଇଲର ଉଭୟ ପାର୍ଶ୍ୱରେ ଡିଜିଟାଲ କ୍ୟାମେରା ରହିଛି । ମୋବାଇଲର ପଛ ଭାଗରେ ଫ୍ଲାସ୍ ଲାଇଟ୍ ମଧ୍ୟ ଉପଲବ୍ଧ ରହିଛି । ଏହି ସ୍ମାର୍ଟଫୋନରେ ଜିଓ ଟିଭି, ଜିଓ ସିନେମା, ଜିଓ ସାଭନ୍ ଭଳି ପ୍ରିମିୟମ୍ ଡିଜିଟାଲ୍ ସେବା ସହିତ ଜିଓ-ପେ ମାଧ୍ୟମରେ ୟୁପିଆଇ ପେମେଂଟ ମଧ୍ୟ କରାଯାଇପାରିବ ।
ଜିଓଫୋନ୍ ପ୍ରାଇମା ୨୩ଟି ଭାଷାକୁ ସମର୍ଥନ କରୁଛି ଅର୍ଥାତ ଏହା ୨୩ଟି ଭାରତୀୟ ଭାଷାରେ କାମ କରିପାରିବ । ଚମକଦାର ରଙ୍ଗରେ ଆସୁଥିବା ଏହି ସ୍ମାର୍ଟଫୋନ୍ ପ୍ରମୁଖ ଖୁଚୁରା ଷ୍ଟୋର୍ ଏବଂ ରିଲାଏନ୍ସ ଡିଜିଟାଲ୍ ଡଟ ଇନ୍, ଜିଓମାର୍ଟ ଇଲେକ୍ଟ୍ରୋନିକ୍ସ ଏବଂ ଆମାଜନ ଭଳି ଅନଲାଇନ୍ ପ୍ଲାଟଫର୍ମରୁ କିଣାଯାଇପାରିବ ।
କମ୍ପାନୀ ଅନୁଯାୟୀ ଜିଓଫୋନ୍ ପ୍ରାଇମା କେବଳ ଏକ ମୋବାଇଲ୍ ଫୋନ ନୁହେଁ ବରଂ ଏକ ଷ୍ଟାଇଲ୍ । ସୁଲଭ ମୂଲ୍ୟରେ ୪ଜି ଦ୍ୱାରା ସଶକ୍ତ ଏକ ଶକ୍ତିଶାଳୀ ମୋବାଇଲ୍ ଚାହୁଁଥିବା ବ୍ୟକ୍ତିଙ୍କ ପାଇଁ ଏହା ଡିଜାଇନ୍ ହୋଇଛି ଏବଂ ସାମାଜିକ ପ୍ଲାଟଫର୍ମଗୁଡିକ ସହିତ ସଂଯୁକ୍ତ ରହିଛି ।
