ଝାରସୁଗୁଡ଼ା : ସ୍ମାର୍ଟ ହେଉଛି ଝାରସୁଗୁଡ଼ାରେ ଟ୍ରାଫିକ ସେବା । ଜନସାଧାରଣଙ୍କୁ ଉନ୍ନତ ଟ୍ରାଫିକ ସେବା ଯୋଗାଇବା ସହ ଅପରାଧିକ କାର୍ଯ୍ୟକଳାପରେ ରୋକ ଲଗାଇବା ଦିଗରେ ସିସି ଟିଭି ଇଂଷ୍ଟଲେସନ ଓ ଟ୍ରାଫିକ ଲାଇଟ ସିଷ୍ଟମ କାର୍ଯ୍ୟକାରୀ କରାଯାଇଛି। ଜିଲ୍ଲା ପୁଲିସ କାର୍ଯ୍ୟାଳୟରେ ଏହି ସିସି ଟିଭି ଓ ଟ୍ରାଫିକ ଲାଇଟ ସିଷ୍ଟମର ଉଦଘାଟନ କରାଯାଇଛି।
ଆୟୋଜିତ ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଝାରସୁଗୁଡ଼ା ବିଧାୟିକା ଦିପାଳୀ ଦାସ , ଉତ୍ତରାଂଚଳ ପୁଲିସ ଆଇ ଜି ହିମାଂଶୁ କୁମାର ଲାଲ , ଏସ୍ ପି ସ୍ମିତ ପି ପରମାର ଓ ଏନ୍ ଏଲ୍ ସି ଇଣ୍ଡିଆ ଲିମିଟେଡ କାର୍ଯ୍ୟ ନିର୍ବାହୀ ଅଧିକାରୀ କେ ସତ୍ୟପ୍ରକାଶ ଯୋଗଦେଇଥିଲେ । ସହରରେ ୨୩୫ ଟି ସିସି ଟିଭି କ୍ୟାମେରା ଇଂଷ୍ଟଲ ହୋଇଥିବା ବେଳେ ୨୫ଟି ପ୍ରମୁଖ ସ୍ଥାନରେ ରେକର୍ଡିଂର ବ୍ୟବସ୍ଥା ରହିଛି। ୪.୫୬କୋଟି ଟଙ୍କା ବିନିଯୋଗରେ କାର୍ଯ୍ୟକାରୀ ହେଉଥିବା ଏହି ନୂତନ ସେବା ଦ୍ୱାରା ସହରର ଜନସାଧାରଣ ଉପକୃତ ହେବେ ବୋଲି ଅତିଥିମାନେ ନିଜ ନିଜ ଅଭିଭାଷଣ ମାଧ୍ୟମରେ ପ୍ରକାଶ କରିଛନ୍ତି।
