ଜଳୁଛି ସାରା ଓଡ଼ିଶା, ସାଢ଼େ ୨ଟା ସୁଦ୍ଧା ୪୪.୬ ଡିଗ୍ରୀ ସହ ଝାରସୁଗୁଡ଼ା ସବୁଠୁ ଉତ୍ତପ୍ତ ସହର

ଭୁବନେଶ୍ୱର: ଜଳୁଛି ସାରା ଓଡ଼ିଶା । ଦିନ ସାଢେ ଦୁଇଟା ସୁଦ୍ଧା ୪୪.୬ ଡିଗ୍ରୀ ସହିତ ଝାରସୁଗୁଡ଼ା ସବୁଠୁ ଉତ୍ତପ୍ତ ସହର ପାଲଟିଛି । ଏପଟେ ଜଳୁଛି ରାଜଧାନୀ ଭୁବନେଶ୍ବର । ଭୁବେଶ୍ବରରେ ୪୪.୪ ଡିଗ୍ରୀ ତାପମାତ୍ରା ରେକର୍ଡ ହୋଇଛି  । ଯାହାକି ରାଜଧାନୀ ପାଇଁ ଚଳିତବର୍ଷର ସର୍ବାଧିକ ତାତି  । ସମ୍ବଲପୁରରେ ମଧ୍ୟ ୪୪.୪ ଡିଗ୍ରୀ ତାତି ରେକର୍ଡ ହୋଇଛି । ଏହା ସହିତ ହୀରାକୁଦରେ ୪୩.୮, କେନ୍ଦୁଝରରେ ୪୦ ଡିଗ୍ରୀ ପାରଦ ରେକର୍ଡ ହୋଇଛି । ଟ୍ୱିନ୍ ସିଟିକୁ ଭୀଷଣ ଗ୍ରୀଷ୍ମପ୍ରବାହ ସତର୍କତା ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର। ଶିଶୁ, ଅସୁସ୍ଥ ଓ ବୃଦ୍ଧଙ୍କୁ ଖରାକୁ ନବାହାରିବାକୁ ପରାମର୍ଶ ଦିଆଯାଇଛି । ପଶ୍ଚିମ ଓଡ଼ିଶାରେ ପ୍ରବଳ ତାତି, ଉପକୂଳରେ ଗୁଳୁଗୁଳିରୁ ନିସ୍ତାର ମିଳିବନି ବୋଲି  ସତର୍କ କରିଛି ପାଣିପାଗ କେନ୍ଦ୍ର ।