ପରାଜୟ ଆଶଙ୍କାରେ ବିଜେପି କର୍ମୀ ରକ୍ତମୁଖା, ଗ୍ରାମବାସୀଙ୍କୁ ଆକ୍ରମଣ

ଝାରସୁଗୁଡ଼ା: ଝାରସୁଗୁଡ଼ା ଉପନିର୍ବାଚନରେ ପରାଜୟ ଆଶଙ୍କାରେ ବିଜେପି କର୍ମୀ ରକ୍ତମୁଖା। କୋଲାବିରା ବ୍ଲକ କୁଲ୍ଲହିଆମାଲ ପଞ୍ଚାୟତ ଧୂବେନବୁଡ଼ ଗାଁର ବିଜେପି କର୍ମୀଙ୍କ ଆକ୍ରମଣରେ ଗ୍ରାମର ଗଜେନ୍ଦ୍ର ଝରା ଗୁରୁତର ଆହତ ହୋଇଛନ୍ତି। ଗୁରୁତର  ହୋଇଥିବା ବେଳେ ତାଙ୍କ ମୁଣ୍ଡରେ ୬ଟି ଷ୍ଟିଚ ପଡିଛି।

ଧୁବେନବୁଡ ଗ୍ରାମର ଗଜେନ୍ଦ୍ର ଝରା ଗତରାତିରେ ବିଜେଡିର ପ୍ରଚାର ସଭା ସାରି ଘରକୁ ଫେରୁଥିବା ବେଳେ ବିପ୍ର ବନଛୋର ନାମକ ଜଣେ ବିଜେପି ସମର୍ଥକ ଅନ୍ୟ କେତେକ ସହଯୋଗୀଙ୍କ ସହ ଗଜେନ୍ଦ୍ରଙ୍କୁ ଠେଙ୍ଗାରେ ଆକ୍ରମଣ କରିଥିଲେ। ଫଳରେ ଗଜେନ୍ଦ୍ର ଗୁରୁତର ଆହତ ହୋଇ ତଳେ ପଡିଯିବା ପରେ ପରିବାର ଲୋକ ତାଙ୍କୁ ଉଦ୍ଧାର କରି ଚିକିତ୍ସା ପାଇଁ ପ୍ରଥମେ କୋଲାବିରା ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ।

ସେଠାରେ ତାଙ୍କ ମୁଣ୍ଡରେ ୬ଟି ଷ୍ଟିଚ ପଡିଛି। ଏ ନେଇ କୋଲାବିରା ଥାନାରେ ଲିଖିତ ଅଭିଯୋଗ କରାଯାଇଛି।  ଅଭିଯୋଗ ପରେ କୋଲାବିରା ଥାନା ପୁଲିସ ଘଟଣାର ତଦନ୍ତ ଆରମ୍ଭ କରିଛି ।