ବାଲେଶ୍ବର: ବାଲେଶ୍ବର ଜିଲ୍ଲା ରାଇବଣିଆ ଅଞ୍ଚଳରେ ଝାଡ଼ଖଣ୍ଡୀ ହାତୀଙ୍କ ଉପଦ୍ରବ। ୬୦ଟିକିଆ ହାତୀପଲ ପ୍ରବେଶ କରି କରୁଛନ୍ତି ଉତ୍ପାତ। ସର୍ଦ୍ଦାରବନ୍ଧ, ରାଇବଣିଆ, ଓଲମରା ପଞ୍ଚାୟତର ବିଭିନ୍ନ ଗାଁରେ ହାତୀ ପଶି ବ୍ଯାପକ କ୍ଷୟକ୍ଷତି କରୁଛନ୍ତି। ଗାଆଁ ଭିତରେ ଏକାବେଳେ ଏତେ ହାତୀ ପଶୁଥିବାରୁ ଲୋକମାନେ ଆତଙ୍କିତ ହୋଇପଡ଼ିଛନ୍ତି। ଝାଡ଼ଖଣ୍ଡରୁ ପଶ୍ଚିମବଙ୍ଗ ଦେଇ ହାତୀପଲ ସର୍ଦ୍ଦାରବନ୍ଧ ଅଂଚଳରେ ପ୍ରବେଶ କରିଥିବା ସୂଚନା ମିଳିଛି।
ହାତୀପଲ ଦୁଇଟି ଦଳରେ ବିଭକ୍ତ ହୋଇ ଗୋଟିଏ ଦଳ କାଲାଯୋଡ଼ି ଜଙ୍ଗଲରେ ଥିବାବେଳେ ଅନ୍ୟ ଦଳଟି ରାଇବଣିଆ ଦୁର୍ଗ ନିକଟରେ ଥିବା କାଜୁ ଜଙ୍ଗଲରେ ରହିଥିବା ଜଣାପଡିଛି। ଜଳେଶ୍ବର ବିନବିଭାଗ ଏବଂ ଗଜସାଥି ପହଞ୍ଚି ହାତୀଙ୍କୁ ଘଉଡ଼ାଇବା ପାଇଁ ଉଦ୍ଯମ କରୁଛି।
