ଝାଡ଼ଖଣ୍ଡରେ ୧୨ ଜଣଙ୍କ ଉପରେ ଚଢ଼ିଗଲା ଟ୍ରେନ୍

ନନ୍ଦିଘୋଷ ବ୍ୟୁରୋ: ପୁଣି ସାମନାକୁ ଆସିଲା ଟ୍ରେନ୍ ଟ୍ରାଜେଡି । ୧୨ ଜଣଙ୍କ ଉପରେ ଚଢ଼ିଗଲା ଟ୍ରେନ୍ । ୨ ଜଣଙ୍କ ମୃତଦେହ ଉଦ୍ଧାର ହୋଇଛି। ତେବେ ଆହୁରି ମୃତ୍ୟୁ ସଂଖ୍ୟା ବଢ଼ିବା ନେଇ ଆଶଙ୍କା କରାଯାଇଛି । କରମାଟାଣ୍ଡ ନିକଟ କଳାଝରିଆରେ ଏହି ଘଟଣା ଘଟିଛି। ରେଳବାଇ ପୁଲିସ ଓ ସ୍ଥାନୀୟ ପ୍ରଶାସନର ଟିମ୍ ରିଲିଫ୍ ଓ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛନ୍ତି। ଏହା ମଧ୍ୟ କୁହାଯାଉଛି ଯେ ବାଙ୍ଗାଲୋର-ଯଶବନ୍ତପୁର ଏକ୍ସପ୍ରେସ ଡାଉନ ଲାଇନରେ ଯାଉଥିଲା । ଏହି ସମୟରେ ଲାଇନ୍ ପାର୍ଶ୍ୱରେ ରଖାଯାଇଥିବା ବାଲିର ଧୂଳି ଉଡୁଥିଲା, କିନ୍ତୁ ଧୂଳି ଦେଖି ଡ୍ରାଇଭରଙ୍କୁ ମେସେଜ୍ ଆସିଲା ଯେ ଟ୍ରେନରେ ନିଆଁ ଲାଗିଛି ଏବଂ ଧୂଆଁ ବାହାରୁଛି, ଯାହା ଫଳରେ ଟ୍ରେନ୍ ଅଟକିବା ମାତ୍ରେ ଯାତ୍ରୀମାନେ ମଧ୍ୟ ତଳକୁ ଓହ୍ଲାଇ ଯାଇଥିଲେ। ସେପଟେ ଅପ୍ ଲାଇନରେ ଯାଉଥିବା ଏକ ଡିଏମୟୁ ଟ୍ରେନ୍ ଧକ୍କାରେ ଅନେକ ଯାତ୍ରୀଙ୍କ ମୃତ୍ୟୁ ଘଟିଛି।