ସରଗରମ ହେଉଛି ଝାଡଖଣ୍ଡ ରାଜନୀତି, ଏଥର ମଇଦାରେ ମୁହାଁମୁହିଁ ହେବେ ଗୋଟିଏ ପରିବାରର ଦୁଇ ବୋହୂ

ନନ୍ଦିଘୋଷ ବ୍ୟୁରୋ: ଝାଡଖଣ୍ଡ ବିଧାନସଭା ନିର୍ବାଚନ ତାରିଖ ଯେତିକି ପାଖେଇ ଆସୁଛି ପ୍ରଚାର ମଇଦାନ ମଧ୍ୟ ସେତିକି ସରଗରମ ହେଉଛି। ମୋଟ ୮୧ଟି ସିଟ୍ ପାଇଁ ଦୁଇଟି ପର୍ଯ୍ୟାୟରେ ମତଦାନ ହେବ। ସେଥିମଧ୍ୟରୁ ଧନବାଦ୍ ଜିଲ୍ଲାର ଝାରିଆ ବିଧାନସଭା ଆସନ ଏକ ପ୍ରମୁଖ ଯୁଦ୍ଧ କ୍ଷେତ୍ର ଭାବରେ ଉଭା ହୋଇଛି। ଏହି ଅଞ୍ଚଳରେ ସୂର୍ଯ୍ୟ ଦେବ ସିଂ ବା ‘ସିଂ ମାନସ’ ଦୀର୍ଘ ଦିନ ଧରି ପ୍ରାଧାନ୍ୟ ବିସ୍ତାର କରିଆସୁଛନ୍ତି। ସୂର୍ଯ୍ୟ ଦେବ ସିଂ, ତାଙ୍କ ଭାଇ ବଚ୍ଚା ସିଂ, ସୂର୍ଯ୍ୟଦେବ ସିଂଙ୍କ ପତ୍ନୀ କୁନ୍ତୀ ଦେବୀ ଏବଂ ପୁଅ ସଞ୍ଜୀବ ସିଂ ସମସ୍ତେ ଝାରିଆରୁ ବିଧାୟକ ଭାବରେ ନିର୍ବାଚିତ ହୋଇଛନ୍ତି। ତେବେ ୨୦୧୯ ନିର୍ବାଚନରେ କଂଗ୍ରେସ ପ୍ରାର୍ଥୀ ପୂର୍ଣ୍ଣିମା ସିଂ ସଞ୍ଜୀବ ସିଂଙ୍କ ପତ୍ନୀ ଏବଂ ବିଜେପି ପ୍ରାର୍ଥୀ ରାଗିଣୀ ସିଂଙ୍କୁ ପରାସ୍ତ କରିଥିଲେ।
ଏଥର ମଧ୍ୟ ମଇଦାରେ ମୁହାଁମୁହିଁ ହେଉଛନ୍ତି ଏହି ପରିବାରର ଦୁଇ ବୋହୂ। ବିଜେପିରୁ ପ୍ରାର୍ଥୀ ହୋଇଛନ୍ତି ରାଗିଣୀ ସିଂ। ଏବଂ କଂଗ୍ରେସରୁ ପ୍ରାର୍ଥୀ ହୋଇଛନ୍ତି ପୂର୍ଣ୍ଣିମା ସିଂ। ରାଗିଣୀ ସିଂ ହେଉଛନ୍ତି ପୂର୍ବତନ ଝରିଆ ବିଧାୟକ ସୂର୍ଯ୍ୟ ଦେବ ସିଂଙ୍କ ପୁଅ ତଥା ପୂର୍ବତନ ବିଧାୟକ ସଞ୍ଜୀବ ସିଂଙ୍କ ପତ୍ନୀ। ପୂର୍ଣ୍ଣିମା ସିଂ ହେଉଛନ୍ତି ସୂର୍ଯ୍ୟଦେବ ସିଂଙ୍କ ସାନଭାଇ ରାଜନ ସିଂଙ୍କ ବୋହୂ। ଏହି ବିଧାନସଭା ନିର୍ବାଚନରେ ଜରିଆରେ ସିଂ ମାନସଙ୍କ ବୋହୂ ପରସ୍ପର ବିରୋଧରେ ଲଢେଇ କରିଛନ୍ତି । ଚାରି ଦଶନ୍ଧି ଧରି ସିଂ ମାନସ ପରିବାର ଝରିଆ ବିଧାନସଭା ଆସନ ଉପରେ ପ୍ରାଧାନ୍ୟ ବିସ୍ତାର କରିଥିଲେ । ୨୦୦୯ ପର୍ଯ୍ୟନ୍ତ ପରିବାର ଏକତ୍ର ନିର୍ବାଚନ ଲଢିଥିଲେ । ୨୦୧୪ ନିର୍ବାଚନରେ ସୂର୍ଯ୍ୟ ଦେବ ସିଂଙ୍କ ପୁଅ ସଞ୍ଜୀବ ସିଂ ବିଜେପି ଟିକେଟରେ ପ୍ରତିଦ୍ୱନ୍ଦ୍ୱିତା କରିଥିବାବେଳେ ରାଜନ ସିଂଙ୍କ ପୁଅ ନୀରଜ ସିଂ କଂଗ୍ରେସ ଟିକେଟରେ ପ୍ରତିଦ୍ୱନ୍ଦ୍ୱିତା କରିଥିଲେ। ଏହି ନିର୍ବାଚନରେ ସଞ୍ଜୀବ ସିଂ ଜିତିଥିଲେ । ତେବେ ୨୦୧୭ ରେ ନୀରଜ ସିଂଙ୍କୁ ହତ୍ୟା କରାଯାଇଥିଲା। ସେତେବେଳେ ଝରିଆରୁ ବିଧାୟକ ଭାବରେ ନିଯୁକ୍ତ ହୋଇଥିବା ସଞ୍ଜୀବ ସିଂଙ୍କୁ ହତ୍ୟା ମାମଲାରେ ଦୋଷୀ ସାବ୍ୟସ୍ତ କରାଯାଇଥିଲା। ତେବେ ଚଳିତ ନିର୍ବାଚନରେ ବିଜେପି ରାଗିଣୀ ସିଂଙ୍କୁ ପ୍ରାର୍ଥୀ କରିଥିବାବେଳେ ବିଧାୟକ ପୂର୍ଣ୍ଣିମା ସିଂଙ୍କୁ କଂଗ୍ରେସ ଟିକେଟ ଦେଇଛି। ୧୯୭୭ ମସିହାରେ ଜରିଆରୁ ସୂର୍ଯ୍ୟ ଦେବ ସିଂ ଜିତିଥିଲେ। ସେ ଲଗାତାର ଚାରିଥର ଏଠାରୁ ବିଜୟୀ ହୋଇଥିଲେ। ତାଙ୍କ ଅନୁସରଣ କରି ତାଙ୍କ ଭାଇ ବଚ୍ଚା ସିଂ ୨୦୦୦ ରେ ଝରିଆରୁ ବିଧାୟକ ହୋଇଥିଲେ । ୨୦୦୫ ଏବଂ ୨୦୦୯ ମସିହାରେ ସୂର୍ଯ୍ୟ ଦେବ ସିଂଙ୍କ ପତ୍ନୀ କୁନ୍ତୀ ଦେବୀ ବିଜେପି ଟିକେଟରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ଜିତିଥିଲେ । ୨୦୧୪ ରେ ସୂର୍ଯ୍ୟ ଦେବ ସିଂଙ୍କ ପୁଅ ସଞ୍ଜୀବ ସିଂ ବିଧାୟକ ଭାବରେ ନିର୍ବାଚିତ ହୋଇଥିଲେ ।