ପୋଲିସ ଚଲାଇଲା ହ୍ୟାଣ୍ଡପମ୍ପ,ବାହାରିଲା ମଦ !

ନନ୍ଦିଘୋଷ ବ୍ୟୁରୋ : ପୁଣି ଝାନସୀରେ ହ୍ୟାଣ୍ଡପମ୍ପରୁ ପାଣି ବଦଳରେ ବାହାରିଲା ମଦ । ବେଆଇନ ମଦ କାରବାରକୁ ନେଇ ତଦନ୍ତ ଚାଲିଥିବା ବେଳେ ସାମ୍ନାକୁ ଆସିଛି ଏଭଳି ଘଟଣା  । ମାଟି ତଳେ ଡ୍ରମରେ ଲୁଚାଯାଇ ରଖାଯାଇଥିବା ମଦକୁ ବାହାର କରି ଜବତ କରିଛି ପୋଲିସ । ଏମିତି କି ହ୍ୟାଣ୍ଡପମ୍ପ ତଳୁ ପୋତା ହୋଇରହିଥିବା ମଦ ଭର୍ତ୍ତି ଡ୍ରମକୁ ବାହାର କରିବା ପାଇଁ ଅବକାରୀ ବିଭାଗକୁ ବୁଲଡୋଜର ବ୍ୟବହାର କରିବାକୁ ପଡିଥିଲା ।

ଝାନସୀର ମୋଡ କୋତବାଲୀ ସ୍ଥାନରେ ବେଆଇନ ମଦ କାରବାର ନେଇ ପୋଲିସ ଏବଂ ଅବକାରୀ ବିଭାଗର ମିଳିତ ଚଢାଉ ବେଳେ ଏଭଳି ଅଭିନବ ଭାବେ ମଦ ଲୁଚାଇ ରଖିବା ଘଟଣା ସାମ୍ନାକୁ ଆସିଛି । ଏହି ରେଡ୍ ବେଳେ ସ୍ଥାନୀୟ ଅଞ୍ଚଳରୁ ପୋଲିସ ହଜାର ହଜାର ଲିଟର ମହୁଲି ମଦ ନଷ୍ଟ କରିଛି ।  ଏହା ସହିତ ମଦ ତିଆରି ସାମଗ୍ରୀ ଏବଂ ଉପକରଣ ଜବତ ସହ ୨ ମହିଳା ଅଭିଯୁକ୍ତଙ୍କୁ ମଧ୍ୟ ଗିରଫ କରିଛି ପୋଲିସ । ମଦ ତିଆରି ଆଡ୍ଡାରେ ଚଢଉ ସତ୍ତ୍ୱେ ବେଆଇନ ମଦ କେଉଁଠି ଲୁଚାହୋଇ ରଖିାଯାଇଥିଲା ତାହା ଜଣାପଡି ନଥିଲା  । କିନ୍ତୁ ପରେ ଚାଷ ଜମିର ଭୂତଳରେ ମଦ ଭର୍ତ୍ତି ଏକ ବିରାଟ ଡ୍ରମ୍ ଜବତ କରାଯାଇଛି  ।

ତଦନ୍ତ ବେଳେ ଯେତେ ବେଳେ ହ୍ୟାଣ୍ଡପମ୍ପ ଚାଲା ଯାଇଥିଲା , ସେଥିରୁ ପାଣି ବଦଳରେ ମଦର ଧାରା ବୋହିଥିଲା  । ଯାହା ପରେ ମଦ ଲୁଚାଇବାର ଗୁମର ଫିଟିଯାଇଥିଲା । ପୋଲିସ ସୂଚନା ଅନୁଯାୟୀ ମାଟିତଳୁ ପାଖାପାଖି ୫୦୦ ଲିଟରରୁ ଅଧିକ ମଦ ଜବତ କରାଯାଇଛି ଏବଂ ଘଟଣାକୁ ନେଇ ଅଧିକ ତଦନ୍ତ ଜାରିରହିଛି ।