ଝାନସୀ ପୋଲିସ ଭିଡ଼ିଓରେ ସୋନୁ ସୁଦ୍, ଲୋକଙ୍କୁ କଲେ ନିବେଦନ

ଝାନସୀ: ପୂରା ଦେଶ ଏବେ କରୋନା ଭାଇରସ୍ ମୁକାବିଲା କରିବାରେ ଲାଗିପଡ଼ିଛି । ଏହାକୁ ନେଇ ଦେଶର ପ୍ରତ୍ୟେକ ବ୍ୟକ୍ତି ନିଜ ସ୍ତରରେ ଯଥାସମ୍ଭବ ଚେଷ୍ଟା କରୁଛନ୍ତି । ଏବଂ ଏହାର ଜ୍ୱଳନ୍ତ ଉଦାହର ପାଲଟିଛନ୍ତି ବଲିଉଡର ଖଳନାୟକ ସୋନୁ ସୁଦ । ଯିଏକି ଆଜିକାଲି ସାରା ଦେଶରେ ପ୍ରସଂଶା ସାଉଁଟିଛନ୍ତି । କରୋନା ଭାଇରସ କାରଣରୁ ଲକଡାଉନରେ ସଂଗ୍ରାମ କରୁଥିବା ୟୁପି ଏବଂ ବିହାରର ପ୍ରବାସୀ ଶ୍ରମିକଙ୍କୁ ସାହଯ୍ୟ କରିବାର କୌଣସି ବାଟ ଛାଡି ନାହାଁନ୍ତି ଅଭିନେତା ସୋନୁ ସୁଦ, ତାଙ୍କର ଏଭଳି ସେବା ପାଇଁ ସେ ସମଗ୍ର ଦେଶର ହୃଦୟ ଜିତିଛନ୍ତି । ମୁମ୍ବାଇରୁ ପ୍ରବାସୀ ଶ୍ରମିକମାନଙ୍କୁ ସେମାନଙ୍କ ଘରକୁ ପଠାଇବା ପାଇଁ ସେ ଶହ ଶହ ବସ୍ ବ୍ୟବସ୍ଥା କରୁଛନ୍ତି । ସେପଟେ ସୋନୁ ସୁଦ ୟୁପିର ଝାନସୀ ପୋଲିସର ଏକ ଭିଡିଓ ଜରିଆରେ ଲୋକଙ୍କୁ ନିବେଦନ ମଧ୍ୟ କରିଛନ୍ତି । ଏହି ଭିଡିଓରେ ମହିଳା କନଷ୍ଟେବଳଙ୍କ ମାଧ୍ୟମରେ ସାମାଜିକ ଦୂରତା, ମାସ୍କ୍ ବ୍ୟବହାର କରିବା ସହିତ ଛୋଟ ଛୋଟ ସତର୍କତା ବିଷୟରେ କୁହାଯାଇଛି, ଯାହା ଦ୍ୱାରା ଲୋକମାନେ କରୋନା ସଂକ୍ରମଣରୁ ରକ୍ଷା ପାଇପାରିବେ।

https://twitter.com/jhansipolice/status/1268966822142971904

ଝାନସୀ ପୋଲିସ କିପରି ଜିଣିଲେ ସୋନୁ ସୁଦଙ୍କ ହୃଦୟ

ମାର୍ଚ୍ଚ ୨୫ରେ ଯେତେବେଳେ ଦେଶର ପ୍ରଧାନମନ୍ତ୍ରୀ ସମଗ୍ର ଦେଶରେ ଲକଡାଉନ୍ ଘୋଷଣା କରିଥିଲେ, ଏହା ପରେ ୟୁପି, ବିହାର, ମୁମ୍ବାଇ, ଗୁଜୁରାଟ, ଦିଲ୍ଲୀ, ପଞ୍ଜାବ, ହରିୟାଣା, ଦକ୍ଷିଣ ଭାରତର ଶ୍ରମିକମାନେ ନିଜ ଘରକୁ ଫେରିବା ପାଇଁ ବ୍ୟସ୍ତ ହୋଇଯାଇଥିଲେ। ଲକ୍ଷ ଲକ୍ଷ ଅଣ-ରାଜ୍ୟ, ପ୍ରବାସୀ ଶ୍ରମିକ, ଶ୍ରମିକ ଏବଂ ଅନ୍ୟାନ୍ୟ ଶ୍ରେଣୀର ଲୋକମାନେ ଝାନସୀ ଜିଲ୍ଲାର ତିନିଟି ସୀମାରେ ଏକତ୍ରିତ ହୋଇଥିଲେ। ଏପରି ପରିସ୍ଥିତିରେ, ଝାନସୀ ଜିଲ୍ଲା ପ୍ରଶାସନ ପାଇଁ କରୋନା ସଂକ୍ରମଣକୁ ରୋକିବା ବଡ଼ ଚ୍ୟାଲେଞ୍ଜ ହୋଇଗଲା ।

ବହୁ ସଂଖ୍ୟକ ପ୍ରବାସୀ ଏକତ୍ରିତ ହେବା କାରଣରୁ ସେମାନଙ୍କୁ ନିୟନ୍ତ୍ରୀତ କରିବା ଏକ ପ୍ରକାର ଅସମ୍ଭବ ହୋଇଗଲା । ଏବଂ ବିପଦ ଧିରେ ଧିରେ ବଢିବାରେ ଲାଗିଲା । କରୋନା ସଂକ୍ରମଣକୁ ଲକ୍ଷ ଲକ୍ଷ ଲୋକଙ୍କ ଭିଡରେ ବ୍ୟାପିବାକୁ ରୋକିପାରିବା ଏକ ପ୍ରକାର ଅସମ୍ଭବ ମନେହେଉଥିଲେ ବି ଝାନସି ପୋଲିସ ଲଗାତାର ପ୍ରୟାସ କରିଚାଲିଥିଲା ଯାହା ସମସ୍ତଙ୍କ ଦୃଷ୍ଟି ଆକର୍ଶଣ କରିଥିଲା । ପ୍ରଚଣ୍ଡ ଗରମରେ ଲକ୍ଷ ଲକ୍ଷ ଲୋକଙ୍କ ଭିଡ଼ରୁ ସମସ୍ତଙ୍କୁ ସୁରକ୍ଷା ଦେବାକୁ ସବୁ ପ୍ରକାର ପ୍ରୟାସ ଚାଲିଥିଲା । ସୁରକ୍ଷା ପାଇଁ ପ୍ରସ୍ତୁତ ହେଉଥିବା ଜିଲ୍ଲା ପ୍ରଶାସନର ସହଯୋଗରେ ପୋଲିସ ଅଧିକାରୀମାନେ ଏପରି ଏକ ହାଇ-ଟେକ୍ ସିଷ୍ଟମ ତିଆରି କରିଥିଲେ, ଯାହା ଅଭିନେତା ସୋନୁ ସୁଦଙ୍କୁ ମନକୁ ପାଇଥିଲା ।

ଝାନସୀ ପୋଲିସର ଏମିତି ପ୍ରୟାସକୁ ନେଇ କ’ଣ ଆବେଦନ କଲେ ସୋନୁ ?

ଚଳଚ୍ଚିତ୍ର ଅଭିନେତା ସୋନୁ ସୁଦ ଖୋଲାଖୋଲି ଭାବେ ୟୁପିର ଝାନସୀ ପୋଲିସକୁ ଖୁବ୍ ପ୍ରଶଂସା କରିଛନ୍ତି । ସୋନୁ ସୁଦ ଦେଶର ଲୋକଙ୍କୁ ନିବେଦନ କରିବାବେଳେ କହିଛନ୍ତି ଯେ କରୋନା ମହାମାରୀକୁ ଏଡାଇବା ପାଇଁ ଉତ୍ତରପ୍ରଦେଶ ପୋଲିସ ଏବଂ ଝାନ୍ସି ପୋଲିସର ଉଦ୍ୟମକୁ ଦେଖି ତାହାକୁ ଯଦି ସମସ୍ତେ ନିଜ ଜୀବନର ଏକ ଅଂଶ କରିବେ ତେବେ ଦେଶରେ କରୋନା ସଂକ୍ରମଣ ବ୍ୟାପିବ ନାହିଁ । ଏହି ଭିଡିଓରେ ମହିଳା କନଷ୍ଟେବଳଙ୍କ ମାଧ୍ୟମରେ ସାମାଜିକ ଦୂରତା, ମାସ୍କ୍ ବ୍ୟବହାର କରିବା ସହିତ ଛୋଟ ଛୋଟ ସତର୍କତା ବିଷୟରେ କୁହାଯାଇଛି, ଯାହା ଦ୍ୱାରା ଲୋକମାନେ କରୋନା ସଂକ୍ରମଣରୁ ରକ୍ଷା ପାଇପାରିବେ।