JEE ମେନ୍ସ ପରୀକ୍ଷା ଅନିୟମିତତା ମାମଲାରେ ୨୦ଟି ସ୍ଥାନରେ ସିବିଆଇ ଚଢ଼ାଉ
ନୂଆଦିଲ୍ଲୀ: ଜେଇଇ ମେନ୍ସ ପରୀକ୍ଷା ସହ ଜଡ଼ିତ ଏକ ମାମଲାରେ ସିବିଆଇ ଚଢ଼ାଉ କରିଛି । ଦିଲ୍ଲୀ/ଏନସିଆର ସମେତ କେତେକ ୨୦ଟି ସ୍ଥାନରେ ରେଡ୍ କରିଛି କେନ୍ଦ୍ରୀୟ ତଦନ୍ତକାରୀ ସଂସ୍ଥା । ପରୀକ୍ଷାରେ ଅନିୟମିତତା ଅଭିଯୋଗରେ ଏହି ଚଢ଼ାଉ ହୋଇଛି । ଦିଲ୍ଲୀ ଏନସିଆର ସମେତ ପୁଣେ, ଜାମସେଦପୁର ଆଦି ସହରରେ ସିବିଆଇ ଅଧିକାରୀ ଛାନଭିନ୍ କରିଛନ୍ତି ।
ଏକ ଘରୋଇ ଶିକ୍ଷାନୁଷ୍ଠାନ ଓ ନିର୍ଦ୍ଦେଶକ ଦ୍ୱାରା ହୋଇଥିବା ଜେଇଇ ମେନ୍ସ ପରୀକ୍ଷା ୨୦୨୧ରେ ହୋଇଥିବା ଅନିୟମିତତା ମାମଲାରେ ସିବିଆଇ ମାମାଲ ରୁଜୁ କରିଥିଲା । ସିବିଆଇ ଆଜି ଘରୋଇ ଶିକ୍ଷାନୁଷ୍ଠାନ, ତାର ନିର୍ଦ୍ଦେଶକ ଓ ତିନିଜଣ କର୍ମଚାରୀଙ୍କ ବିରୋଧରେ ମାମଲା ରୁଜୁ କରିଛି ।
ଇଞ୍ଜିନିୟରିଂ ପାଠ୍ୟକ୍ରମରେ ନାମଲେଖା ପାଇଁ ଜେଇଇ ମେନ୍ସ ଏକକ ପରୀକ୍ଷା ହୋଇଥାଏ । ଚଳିତବର୍ଷ ୪ଟି ପର୍ଯ୍ୟାୟରେ ପରୀକ୍ଷା ହୋଇଥିଲା । ପ୍ରାୟ ୭ ଲକ୍ଷ ପରୀକ୍ଷା ପାଇଁ ପଞ୍ଜିକରଣ କରିଥିଲେ ।
