ଘୁଞ୍ଚିଲା ଜେଇଇ ମେନ ପ୍ରବେଶିକା ପରୀକ୍ଷା

ନୂଆଦିଲ୍ଲୀ: ସାରା ଦେଶରେ କରୋନା ଭାଇରସ ବିସ୍ତାର ନହେବା ପାଇଁ, ୧୪ ଏପ୍ରିଲ ପର୍ଯ୍ୟନ୍ତ ସମଗ୍ର ଦେଶରେ ୨୧ ଦିନିଆ ତାଲା ପଡିଛି। ଏହି କାରଣରୁ ଅନେକ ବୃତ୍ତିଗତ ଏବଂ ପ୍ରତିଯୋଗିତାମୂଳକ ପରୀକ୍ଷା ବାତିଲ ହୋଇଛି । ଏହା ବ୍ୟତୀତ ଦେଶର ସମସ୍ତ ଶିକ୍ଷାନୁଷ୍ଠାନ ମଧ୍ୟ ବନ୍ଦ ରହିଛି। ଏହି କ୍ରମରେ, ଜାତୀୟ ପରୀକ୍ଷା ଏଜେନ୍ସି (NTA) କରୋନାକୁ ଦୃଷ୍ଟିରେ ରଖି UGC NET ଏବଂ JNU ର ପ୍ରବେଶିକା ପରୀକ୍ଷା ସମେତ ସାତୋଟି ପରୀକ୍ଷା ପାଇଁ ଅନଲାଇନ୍ ଫର୍ମ ପୂରଣ କରିବାର ତାରିଖ ବଦଳାଇ ଦେଇଛନ୍ତି । ସେହିପରି ଯୁଗ୍ମ ପ୍ରେବେଶିକା ପରୀକ୍ଷା (ଜେଇଇ-ମେନ) ଏପ୍ରିଲ-୨୦୨୦ କୁ ଘୁଞ୍ଚିଲା ।

ଯୁଗ୍ମ ପ୍ରେବେଶିକା ପରୀକ୍ଷା (ଜେଇଇ-ମେନ) ଏପ୍ରିଲ-୨୦୨୦ କୁ ଘୁଞ୍ଚିବା

ସେହିପରି ୫, ୭ ଓ ୧୧ ଏପ୍ରିଲରେ ହେବାକୁ ଥିବା ଯୁଗ୍ମ ପ୍ରବେଶିକା ପରୀକ୍ଷା ( ଜେଇଇ-ମେନ) କୁ  ଘୁଞ୍ଚାଇ ଦିଆଯାଇଛି । ପୂବର୍ବରୁ ଏହି ତାରିଖରେ ପରୀକ୍ଷା ହେବା ନେଇ ଗତ ମାର୍ଚ୍ଚ ୧୮ ତାରିଖ ଦିନ ବିଜ୍ଞପ୍ତି ପ୍ରକାଶ ପାଇଥିଲା । ତେବେ ଏନଟିଏ ପକ୍ଷରୁ ଜାରି ହୋଇଥିବା ସଦ୍ୟତମ ବିଜ୍ଞପ୍ତି ଅନୁଯାୟୀ ଆସନ୍ତା ସପ୍ତାହ ମେ ମାସ ଅନ୍ତିମ ସପ୍ତାହରେ ଜେଇଇ ମେନ ପରୀକ୍ଷା ଅନୁଷ୍ଠିତ ହେବ । ଆଗାମୀ କିଛି ସପ୍ତାହ ମଧ୍ୟରେ ଆକଳନ କରି ପରୀକ୍ଷାର ନିର୍ଦ୍ଦିଷ୍ଟ ତାରିଖ ଘୋଷଣା କରାଯିବ ।

ସଦ୍ୟତମ ସୂଚନା ପାଇଁ ପରୀକ୍ଷାର୍ଥୀ ଏବଂ ଅଭିଭାବକ ମାନଙ୍କୁ ସଦ୍ୟତମ ସୂଚନା ପାଇଁ jeemain.nta.nic.in ଓ www.nta.ac.in ସାଇଟ୍ ଦେଖିବାକୁ ଅନୁରୋଧ କରାଯାଇଛି । ପରୀକ୍ଷାର୍ଥୀ ମାନେ ୮୨୮୭୪୭୧୮୫୨, ୮୧୭୮୩୫୯୮୪୫, ୯୬୫୦୧୭୩୬୬୮, ୯୫୯୯୬୭୬୯୫୩, ୮୮୮୨୩୫୬୮୦୩ ନଂରେ ଯୋଗାଯୋଗ କରି ଯେକୌଣସି ,ସୂଚନା ପାଇପାରିବେ ।

UGC NET ତାରିଖ ମଧ୍ୟ ଆଗକୁ ବୃଦ୍ଧି କରାଯାଇଛି-

ଏହି ପରିପ୍ରେକ୍ଷୀରେ, NTA ଏକ ବିଜ୍ଞପ୍ତି ଜାରି କରିଛି ଯେ JNU ଆଡମିଶନ, IGNOU PhD ଏବଂ MBA ପ୍ରବେଶିକା ପରୀକ୍ଷା ପାଇଁ ଫର୍ମ ପୂରଣ କରିବାର ଶେଷ ତାରିଖ, ଅଲ ଇଣ୍ଡିଆ ହୋଟେଲ ମ୍ୟାନେଜମେଣ୍ଟ ପରୀକ୍ଷା ବର୍ତ୍ତମାନ ୩୦ ଏପ୍ରିଲକୁ ବୃଦ୍ଧି କରାଯାଇଛି। ଏହା ବ୍ୟତୀତ, UGC NET ଏବଂ CSIR NET ଏବଂ AYUSH PG ଆଡମିଶନ ତାରିଖ ମଧ୍ୟ ବୃଦ୍ଧି କରାଯାଇଛି | ଏହାପୂର୍ବରୁ, ସ୍ଥିତିକୁ ଦୃଷ୍ଟିରେ ରଖି NTA ଏପ୍ରିଲରେ JEE ମେନ୍ ଏବଂ NEET-UG 2020 କୁ ମଧ୍ୟ ସ୍ଥଗିତ ରଖିଛି |

ଦେଶରେ ସଂକ୍ରମଣ ମାମଲା 1000 ରୁ ଅଧିକ ହୋଇଛି

ମଙ୍ଗଳବାର ଦିନ କରୋନାଭାଇରସ୍ ସଂକ୍ରମଣର ୮ ଟି ନୂଆ ମାମଲା ହୋଇଛି। ଏଥିମଧ୍ୟରୁ ମହାରାଷ୍ଟ୍ର ଏବଂ ଉତ୍ତରପ୍ରଦେଶରେ ୫ ଟି, ରାଜସ୍ଥାନରେ ୪ ଟି ଏବଂ ଗୁଜୁରାଟରେ ୨ ଟି ପଜିଟିଭ୍ ମିଳିଛି। ଏହା ସହିତ ଦେଶରେ ସମୁଦାୟ ସଂକ୍ରମିତ ସଂଖ୍ୟା ୧ ହଜାର ୩୬୩ କୁ ବୃଦ୍ଧି ପାଇଛି । ଏହାପୂର୍ବରୁ ସୋମବାର ଦିନ ଗୋଟିଏ ଦିନରେ ସର୍ବାଧିକ୨୦୮ ମାମଲା ରିପୋର୍ଟ ହୋଇଥିଲା ।