ନନ୍ଦିଘୋଷ ବ୍ୟୁରୋ: ବିହାରରେ ନୀତୀଶ କୁମାରଙ୍କୁ ନେଇ ଚାଲିଥିବା ଚର୍ଚ୍ଚାରେ ପୂର୍ଣ୍ଣଚ୍ଛେଦ। ଏନଡିଏକୁ ଜେଡିୟୁର ସମର୍ଥନ ଜାରି ରହିବ ବୋଲି କହିଛନ୍ତି ଜେଡିୟୁ ନେତା ତଥା କେନ୍ଦ୍ରମନ୍ତ୍ରୀ ରାଜୀବ ରଞ୍ଜନ ସିଂ। ରାଜୀବ ଓରଫ ଲଲନ ସିଂ କହିଛନ୍ତି- ନୀତୀଶଙ୍କୁ ନେଇ ଯେଉଁ ଚର୍ଚ୍ଚା ଚାଲିଛି ସେଥିରେ ସତ୍ଯତା ନାହିଁ। ବିହାର ମୁଖ୍ଯମନ୍ତ୍ରୀ ନୀତୀଶ କୁମାରଙ୍କ ଲାଗି ମହାଗଠବନ୍ଧନର ଦ୍ବାର ଖୋଲା ରହିଛି ବୋଲି ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ କହିବା ପରେ ରାଜ୍ଯ ଓ ଜାତୀୟ ରାଜନୀତିରେ ଜୋର ଧରିଥିଲା ଚର୍ଚ୍ଚା।
ନୀତୀଶଙ୍କୁ ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ଖୋଲା ଅଫର ଦେବା ପରେ ଚର୍ଚ୍ଚା ଜୋର ଧରିଥିଲା। ୨୦୨୪ ନିର୍ବାଚନ ପୂର୍ବରୁ ମହାଗଠବନ୍ଧନ ଛାଡ଼ିଥିଲେ ନୀତୀଶ। ଲାଲୁଙ୍କ ଅଫର ପରେ ବିହାରରେ ବଢିଥିଲା ରାଜନୈତିକ ଚର୍ଚ୍ଚା। ଲାଲୁଙ୍କ ଅଫରକୁ କଂଗ୍ରେସ ବି କରିଥିଲା ସମର୍ଥନ। କଂଗ୍ରେସ କହିଥିଲା, ଗଡସେ ଚିନ୍ତାଧାରା ଛାଡ଼ି ଗାନ୍ଧି ଆଦର୍ଶକୁ ଆପଣେଇଲେ ନୀତୀଶଙ୍କୁ ସ୍ବାଗତ କରାଯିବ।
