ବିଜେପିରେ ଟ୍ରମ୍ପଙ୍କ ନିର୍ବାଚନ ପରାମର୍ଶଦାତା

1 min read

ଲକ୍ଷ୍ନୌ: ବିଜେପିରେ ଯୋଗ ଦେଲେ JDU ମହାସଚିବ କେସି ତ୍ୟାଗୀଙ୍କ ପୁଅ ଅମରିଶ୍ ତ୍ୟାଗୀ । ରବିବାର ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି ଅମରିଶ୍ । ଉତ୍ତରପ୍ରଦେଶ ଉପ ମୁଖ୍ୟମନ୍ତ୍ରୀ ଡ. ଦିନେଶ ଶର୍ମା ଏବଂ ବିଜେପିର ବରିଷ୍ଠ ନେତା ଲକ୍ଷ୍ମୀକାନ୍ତ ବାଜପେୟୀଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଛନ୍ତି ଅମରିଶ୍। ବିଜେପିରେ ଯୋଗ ଦେବା ପୂର୍ବରୁ ଅମରିଶ୍ ଆମେରିକା ପୂର୍ବତନ ରାଷ୍ଟ୍ରପତି ଡେନାଲ୍ଡ ଟ୍ରମ୍ପ ଓ ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନିର୍ବାଚନ ପରିଚାଳନା କରିଥିଲେ । ବିଜେପିରେ ଯୋଗ ଦେବା ପରେ ଅମରିଶ୍ କହିଥିଲେ କି ତାଙ୍କ ପରିବାରରେ ଏକ ଲୋକତନ୍ତ୍ରିକ ବ୍ୟବସ୍ଥା ରହିଛି । ତେଣୁ ସେ ତାଙ୍କ ଇଚ୍ଛାରେ ଯେକୌଣସି ଦଳରେ ଯୋଗ ଦେଇ ପାରିବି ।

ସେ ଆହୁରି କହିଥିଲେ କି ତାଙ୍କ ପିତା କେସି ତ୍ୟାଗି ଏନଡିଏରେ ରହିଛନ୍ତି । ବିଜେପିର କାମ, ପ୍ରଧାନମନ୍ତ୍ରୀ ମୋଦି ଏବଂ ଯୋଗୀ ଆଦିତ୍ୟନାଥଙ୍କ ନେତୃତ୍ୱ ମୋତେ ବିଜେପିରେ ଯୋଗ ଦେବା ପାଇଁ ପ୍ରେରଣା ଯୋଗାଇଛି । ନିର୍ବାଚନ ପରିଚାଳନ କରିଥିବା ଅମରିଶ୍ ତ୍ୟାଗୀ କହିଛନ୍ତି କି ବିଜେପି ପ୍ରଚାରରେ ସବୁଠାରୁ ଆଗରେ ରହିଛି । ନିର୍ବାଚନ ଲଢ଼ିବା ନେଇ ପଚାରିବାରୁ ସେ କହିଥିଲେ କି ପାର୍ଟି ଯାହା ଦାୟିତ୍ୱ ଦେବ ତାହା କରିବି ।

୪୩ ବର୍ଷିୟ ଅମରିଶ୍ ତ୍ୟାଗୀ ଅବଲୀନୋ ବିଜନେସ୍ ଇଣ୍ଟିଲଜେନ୍ସ ପ୍ରାଇଭେଟ ଲିମିଟେଡର ପରିଚାଳନା ନିର୍ଦ୍ଦେଶକ ଅଛନ୍ତି । ଏହି କମ୍ପାନୀ ବିଭିନ୍ନ ରାଜନୈତିକ ପାର୍ଟିକୁ ନିର୍ବାଚନ ରଣନୀତି, ଗଣମାଧ୍ୟମ ପରିଚାଳନା ଦେଇଥାଏ । ଏହି କମ୍ପାନୀ ନିତୀଶ କୁମାରଙ୍କ ପାଇଁ ବିଧାନସଭା ନିର୍ବାଚନ କାର୍ଯ୍ୟ କରିଥିଲ। ସେହିପରି ଭାବରେ ଆମେରିକା ପୂର୍ବତନ ରାଷ୍ଟ୍ରପତି ଡେନାଲ୍ଡ ଟ୍ରମ୍ପଙ୍କ ପାଇଁ ମଧ୍ୟ କାର୍ଯ୍ୟ କରିଥିଲେ ଅମରିଶ୍ ।

ଅନ୍ୟପକ୍ଷରେ ଅମରିଶ୍ ତ୍ୟାଗୀଙ୍କ ବ୍ୟତୀତ ସମାଜବାଦୀ ପାର୍ଟି, ବହୁଜନ ସମାଜ ପାର୍ଟି ଏବଂ ଭୀମ ଆର୍ମୀର କିଛି ନେତା ବିଜେପିରେ ଯୋଗ ଦେଇଛନ୍ତି ।

Leave a Reply