ମାତ୍ର ୪୦ ବର୍ଷ ବୟସରେ ଆମେରିକାର ଉପରାଷ୍ଟ୍ରପତି

ନନ୍ଦିଘୋଷ ବ୍ୟୁରୋ : ଜେ.ଡି ଭାନ୍ସ ଓରଫ୍ ଜେମ୍ସ ଡେଭିଡ୍ ଭାନ୍ସ ହେବେ ଆମେରିକାର ପରବର୍ତ୍ତୀ ଉପରାଷ୍ଟ୍ରପତି । ରିପବ୍ଲିକାନ୍ ପାର୍ଟିର ଅନ୍ୟତମ ସକ୍ରିୟ ଓ ଚର୍ଚ୍ଚିତ ରାଜନେତା ଭାନ୍ସ ୨୦୨୪ ନିର୍ବାଚନରେ ବିଜୟ ହାସଲ କରିବା ସହ ମାତ୍ର ୪୦ ବର୍ଷ ବୟସରେ ଉପରାଷ୍ଟ୍ରପତି ହେବାକୁ ଯାଉଛନ୍ତି । ୨୦୨୨ ନିର୍ବାଚନରେ ଓହିଓରୁ ସିନେଟର ଭାବେ ନିର୍ବାଚିତ ହୋଇଥିଲେ ଭାନ୍ସ । ଆମେରିକା ମେରାଇନ୍ କର୍ପୋରେସନରେ ସେ ଭାନ୍ସ ଜଣେ ସାମ୍ବାଦିକଭାବେ କାର୍ଯ୍ୟ କରିଥିଲେ । ୨୦୦୩ରୁ ୨୦୦୭ ମଧ୍ୟରେ ସେ ଏଥିରେ ସାମିଲ ଥିଲେ । ୨୦୧୬ ନିର୍ବାଚନରେ ରିପବ୍ଲିକାନ୍ ପାର୍ଟିରେ ଟ୍ରମ୍ପଙ୍କ ପ୍ରାର୍ଥୀତ୍ବକୁ ତୀବ୍ର ବିରୋଧ କରିଥିବା ଭାନ୍ସ ପରବର୍ତ୍ତୀ ସମୟରେ ଜଣେ କଟ୍ଟର ଟ୍ରମ୍ପ ସମର୍ଥକରେ ପରିଣତ ହୋଇଥିଲେ । ୨୦୨୪ରେ ରିପବ୍ଲିକାନ ପାର୍ଟିର ଅଫିସିଆଲ୍ ଭାଇସ୍ ପ୍ରେସିଡେଣ୍ଟ ନୋମିନି ହୋଇଥିଲେ ଭାନ୍ସ। ତାଙ୍କ ପତ୍ନୀ ଉଷା ଚିଲକୁରୀ ଜଣେ ହିନ୍ଦୁ ଓ ସେ ଭାରତୀୟ। ଭାନ୍ସଙ୍କ ପ୍ରଚାରରେ ଉଷାଙ୍କର ପ୍ରମୁଖ ଭୂମିକା ରହିଥିଲା। ଭାରତୀୟ ଭୋଟରଙ୍କ ପାଇଁ ସେ ପ୍ରଚାର କରିଥିଲେ।