ଦାନ୍ତେୱାଡ଼ାର ପ୍ରତିଶୋଧ ଗରିଆବନ୍ଧରେ, ଜଣେ ମାଓବାଦୀ ମୃତ

ଉମରକୋଟ: ଦାନ୍ତେୱାଡ଼ାର ପ୍ରତିଶୋଧ ଗରିଆବନ୍ଧରେ। ଗତ ଏପ୍ରିଲ ୨୬ ତାରିଖରେ ଛତିଶଗଡ ଦାନ୍ତେୱାଡ଼ାରେ ହୋଇଥିବା ମାଓ ବିସ୍ଫୋରଣ ଘଟଣାର ବଦଲା ନେଇଛି ପୋଲିସ। ଗରିଆବନ୍ଧି ପୋଲିସ, କୋବ୍ରା  ବାଟାଲିୟନ ଓ ସିଆରପିଏଫର ମିଳିତ ଅପରେସନରେ ଗାରିଆବନ୍ଧ ଜିଲ୍ଲା ଯୁଗାଡ ଥାନା କର୍ଲା ଜହର ଜଙ୍ଗଲରେ ହୋଇଛି ଏନକାଉଣ୍ଟର ।

ଏହି ଏନକାଉଣ୍ଟରରେ ଜଣେ ମାଓବାଦୀର ମୃତ୍ୟୁ ଘଟିଛି । ମୃତ ମାଓବାଦୀ ହେଲା ନନ୍ଦଲାଲ । ସେ ଉଦନ୍ତୀ LOSର ଡେପୁଟି କମାଣ୍ଡର ଥିଲା । ସେ ୨୦୦୯ ରୁ ୨୦୧୦ ମଧ୍ୟ ରେ ମାଓ ସଂଗଠନର ଜଣେ ସକ୍ରିୟ ସଦସ୍ୟ ଥିଲା। ନନ୍ଦଲାଲ୍ ଉପରେ ୫ ଲକ୍ଷର ପୁରସ୍କାର ଘୋଷଣା କରାଯାଇଥିଲା।  ତା ମୃତ  ଶରୀର ପାଖରୁ କିଛି ମାଓ ସାମଗ୍ରୀ ସହ ଏକ ରାଇଫଲ ଜବତ କରାଯାଇଛି। ମାଓବାଦୀ ଜଣକ ସ୍ଥାନୀୟ ଅଞ୍ଚଳ ରାକ୍ସାପଥରା ଗ୍ରାମର ହୋଇଥିବା ସୂଚନା ମିଳିଛି।