ରିଲିଜ୍ ହେଉ ହେଉ ଲିକ୍ ହେଲା ’ଯବାନ’ର HD ପ୍ରିଣ୍ଟ୍ ଭିଡିଓ
1 min read
ମୁମ୍ବାଇ: ରିଲିଜ ହୋଇଛି ବହୁ ପ୍ରତିକ୍ଷୀତ ଫିଲ୍ମ ଯବାନ । ଶାହାରୁଖ ଖାନଙ୍କ ଅଭିନୀତ ଏହି ଫିଲ୍ମ ଆଡଭାନ୍ସ ଟିକେଟ ବୁକିଂରେ ରେକର୍ଡ କରିଥିବାବେଳେ ଫାଷ୍ଟ ଡେ ଫାଷ୍ଟ ସୋ’ ଦେଖିବା ପାଇଁ ହଲରେ ଲାଗିଛି ଦର୍ଶକଙ୍କ ଭିଡ଼ । ସବୁଠି ମିଠା ଖୁଆଇବା ସହ ନାଚି ଖାଇ ଫ୍ୟାନ୍ସମାନେ ଖୁସି ମନାଇଥିବା ଦେଖିବାକୁ ମିଳିଛି । ଏହି ଫିଲ୍ମ ଭଲ ରୋଜଗାର କରିବା ବୋଲି ଆଗୁଆ ଚର୍ଚ୍ଚା ହେଉଛି । କିନ୍ତୁ ଏହାରି ଭିତରେ ଫିଲ୍ମର HD ପ୍ରିଣ୍ଟ ଲିକ୍ ହୋଇଥିବା ଖବର ସମାନାକୁ ଆସିଛି । କିଛି ସାଇଟରେ ଭିଡିଓ ଲିକ୍ ହୋଇଯାଇଛି । Mp4movies, Vegamovies ଏବଂ Filmyzilla ଭଳି କିଛି ସାଇଟରେ ଲିକ୍ ହୋଇଛି । ଯଦିଓ କିଛି ସାଇଟ୍ ଏହାକୁ ପୁଣିଥିରେ ଡିଲିଟ୍ କରିଛନ୍ତି ତଥାପି କିଛି ସାଇଟରେ ଏବେ ମଧ୍ୟ ଲିଙ୍କ୍ ଉପଲବ୍ଧ ରହିଛି । ଯାହାକି ପ୍ରଯୋଜନା ସଂସ୍ଥା ଉପରେ ବଡ଼ ପ୍ରଭାବ ପକାଇବା ବୋଲି କୁହାଯାଉଛି । କୋଟି କୋଟି ଟଙ୍କାର କ୍ଷତି ସହିପାରେ ପ୍ରଯୋଜନା ସଂସ୍ଥା ।
