ଛୁଟିରେ ଘରକୁ ଆସି ବିଷ ପିଇଁ ଆତ୍ମହତ୍ୟା କଲେ ଯବାନ
ଭୁବନେଶ୍ୱର: ବିଷ ପିଇ ଆତ୍ମହତ୍ୟା କଲେ ଯବାନ । ଘରକୁ ଆସିଥିବା ବେଳେ ରାତିରେ ବିଷ ପିଇ ଆତ୍ମହତ୍ୟା କରିଛନ୍ତି । ମୃତ ଯବାନ ଜଣଙ୍କ ହେଉଛନ୍ତି ବାରଙ୍ଗ ଥାନା ଗୋଡ଼ିସାହି ନରାଜମାର୍ଥାପୁର ପଞ୍ଚାୟତ ତଳଗଡ଼ ଗାଁର । ସେହି ଗାଁର ଭଗବାନ ସାହୁଙ୍କ ସାନ ପୁଅ ହେଉଛନ୍ତି ମୃତ ଲୋକନାଥ ସାହୁ । ସେ ଓଏସଏପି ବାଟାଲିୟନରେ କାର୍ଯ୍ୟରତ ଥିଲେ । କିନ୍ତୁ ତାଙ୍କର କିଛିଦିନ ତଳେ କେନ୍ଦୁଝରରେ ପୋଷ୍ଟିଙ୍ଗ ହୋଇଥିଲା । ତେବେ ବୁଲିବା ପାଇଁ ୪ ଦିନ ତଳେ ସେ ଘରକୁ ଫେରିଥିଲେ । ହେଲେ ସୋମବାର ରାତ୍ରିରେ ସମସ୍ତେ ଖାଇ ପିଇ ଶୋଇଗଲାପରେ ସେ ବିଷ ପିଇ ଆତ୍ମହତ୍ୟା କରିଛନ୍ତି ।
ସେପଟେ ଖବର ପାଇ ଗୋଡ଼ିସାହି ଫାଣ୍ଡି ଅଧିକାରୀ ସୁବାସ ମଲ୍ଲିକ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲେ । ଉଦ୍ଧାର ପରେ ଶବ ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଯାଇଛି । ତେବେ ପୋଲିସ ଏବଂ ସାଇଣ୍ଟିଫିକ ଟିମ ଘଟଣା ଉପରେ ତାର ପ୍ରାଥମିତ ତଦନ୍ତ ଆରମ୍ବ କରିଛି । ତେବେ କେଉଁ କାରଣରୁ ସେ ଆତ୍ମହତ୍ୟା ଭଳି ଚରମ ନିଷ୍ପତ୍ତି ନେଲେ ସେନେ ଖୋଳତାଡ଼ ଆରମ୍ଭ କରିଛି ପୋଲିସ ।
