ମହାକୁମ୍ଭ ଯାଉଥିବା ଡବଲ୍ ଡେକର ବସ୍ ଦୁର୍ଘଟଣା, ୬ମୃତ ୪୦ ଆହତ

ଲକ୍ଷ୍ନୌ :  ଉତ୍ତର ପ୍ରଦେଶର ଜୌନପୁରୀରେ ମର୍ମନ୍ତୁଦ ଦୁର୍ଘଟଣା । ପ୍ରୟାଗରାଜ ମହାକୁମ୍ଭ ଯାଉଥିବା ଏକ ଡବଲ୍ ଡେକର ବସ୍ ଦୁର୍ଘଟଣାର ଶିକାର ହୋଇଥିଲା । ଆଜି ଭୋର ପ୍ରାୟ ୫ଟା ସମୟରେ ଏହି ଦୁର୍ଘଟଣା ଘଟିଥିଲା । ଗୋଟିଏ ତୀର୍ଥଯାତ୍ରୀ ବସ୍ ଚାଉଳ ବୋଝେଇ ଟ୍ରକ୍ ପଛପଟେ ଧକ୍କା ଦେଇଥିଲା। ଏହି ଦୁର୍ଘଟଣାରେ ଘଟଣା ସ୍ଥଳରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ୪୦ ଜଣ ଆହତ ହୋଇଛନ୍ତି। ଏହି ଦୁର୍ଘଟଣା ଜୌନପୁରର ବାଦଲପୁର ଥାନା ଅଞ୍ଚଳର ସାରୋଖାନପୁରରେ ଘଟିଛି। ଧକ୍କା ଏତେ ଜୋରଦାର ଥିଲା ଯେ ବସ୍‌ର ଆଗପଟ ପୁରା ଚୁରମାର ହୋଇଯାଇଛି ।  ଆହତମାନଙ୍କ ଚିକିତ୍ସା ଲାଗି ସେମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି । ବସଟି ଦିଲ୍ଲୀର କାରୋଲବାଗରୁ ଆସୁଥିଲା। ଏହି ସମସ୍ତ ଶ୍ରଦ୍ଧାଳୁ ୧୫ ଫେବୃଆରୀରେ ଦିଲ୍ଲୀରୁ କୁମ୍ଭ ଯାତ୍ରା ପାଇଁ ବାହାରିଥିଲେ ।  ସେମାନେ ୨୧ ଫେବୃଆରୀରେ ଫେରିବାର ଥିଲା।