ମୋତେ ଯଦି ସୁଯୋଗ ମିଳେ, ଓଡ଼ିଆ ଫିଲ୍ମ କରିବି : ବରୁଣ ଶର୍ମା

ଭୁବନେଶ୍ବର: ନନ୍ଦିଘୋଷ କନକ୍ଲେଭ ୨୦୨୫ରେ ଯୋଗ ଦେଲେ ବଲିଉଡ ଅଭିନେତା ବରୁଣ ଶର୍ମା । ଏହି ଅବସରରେ ଓଲିଉଡକୁ ନେଇ କହିଲେ ବଡ଼ କଥା । ବରୁଣ କହିଛନ୍ତି କି, ମୋତେ ଯଦି ସୁଯୋଗ ମିଳିବ ତା’ହେଲେ ଓଡ଼ିଆ ଫିଲ୍ମ କରିବି । ମୋତେ ନୂଆ ନୂଆ ଭାଷା ଶିଖିବାକୁ ବହୁତ ଭଲ ଲାଗେ । ଯଦି ସୁଯୋଗ ମିଳେ ତା’ହେଲେ ଓଡ଼ିଆ ଫିଲ୍ମ କରିବି ।

ଏହାସହ ନିଜର କ୍ୟାରିୟର ସାଙ୍ଗକୁ ନିଜର ଜୀବନ କାହାଣୀକୁ ନେଇ ମଧ୍ୟ ଏହି କନକ୍ଲେଭ ମାଧ୍ୟମରେ କହିଥିଲେ । ସେପଟେ କମେଡିକୁ ନେଇ ମଧ୍ୟ କହିଛନ୍ତି କି, ମୁଁ କେବେ କମେଡି ଛାଡ଼ିବି ନାହିଁ । ମୋତେ କମେଡି ରୋଲରେ ଅଭିନୟ କରିବାକୁ ବହୁତ ଭଲ ଭାଗେ । ଲୋକଙ୍କ ମୁହଁରେ ହସ ଫୁଟାଇବା ଏକ ବଡ଼ କଥା । କିନ୍ତୁ ମୋତେ ସବୁ ଭୂମିକାରେ ଅଭିନୟ କରିବାକୁ ଭଲ ଲାଗେ । ଓଡ଼ିଶାକୁ ପ୍ରଂଶସା କରିବା ସହ ଓଡ଼ିଆ ଖାଦ୍ୟ ସମ୍ପର୍କରେ କହିଛନ୍ତି । ଡାଲମା ବହୁତ ଭଲ ଲାଗେ ବୋଲି କହିଛନ୍ତି ବରୁଣ ।

ବିବାହକୁ ନେଇ କରାଯାଇଥିବା ପ୍ରଶ୍ନରେ କହିଥିଲେ, ଦୁଇବର୍ଷ ହେବ ସମାନ କଥା ଶୁଣି ଆସୁଛି । ଘରେ ମା ପ୍ରତିଦିନ ସମାନ ପ୍ରଶ୍ନ ପଚାରନ୍ତି । କିନ୍ତୁ ମୁଁ ଏହାକୁ ଏଡ଼ାଇ ଦେଇଥାଏ । କିନ୍ତୁ ସମୟ ଆସିଲେ ଏହା ହେବ । ସେପଟେ ଫିଲ୍ମକୁ ନେଇ କହିଛନ୍ତି କି, ଦିଲଓ୍ବାଲେ ଫିଲ୍ମ ମୋ ପାଇଁ ଚ୍ୟାଲେଞ୍ଜିଙ୍ଗ ଥିଲା । ଏଥିରେ ବହୁତ ବଡ଼ ବଡ଼ କଳାକାଳର ଥିଲେ । ଶାହରୁଖ ସାରଙ୍କ ଭଳି ସୁପରଷ୍ଟାର ମୁଖ୍ୟ ଭୂମିକାରେ ଥିଲେ । ଏମିତି ଫିଲ୍ମରେ ଦର୍ଶକଙ୍କ ଆଟେନସନ୍ ନିଜ କାଡକୁ ଟାଣିବା ବହୁତ ଚ୍ୟାଲେଞ୍ଜିଂ ଥିଲା । ଏହାସହ ଶାହରୁଖ ଖାନ ତାଙ୍କ ଆଦର୍ଶ ବୋଲି ବରୁନ କହିଥିଲେ ।