ଟୋକିଓ: ପ୍ରଳୟଙ୍କରୀ ଭୂକମ୍ପରେ ଛାରଖାର ଜାପାନ। ଶକ୍ତିଶାଳୀ ଭୂକମ୍ପରେ ଏଯାଏଁ ୫୭ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଅନେକ କୋଠା ଭୁଶୁଡ଼ିଥିବାରୁ ଲୋକମାନେ କୋଠା ତଳେ ଚାପିହୋଇ ରହିଥିବା ଆଶଙ୍କା କରାଯାଉଛି। ଏଣୁ ଆଗକୁ ମୃତ୍ୟୁ ସଂଖ୍ୟା ବୃଦ୍ଧି ହୋଇପାରେ। ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଜାରି ରହିଛି।
ସୋମବାର ଇଶିକାଓ୍ବାରାରେ ୭.୫ ତୀବ୍ରତାର ଭୂକମ୍ପନ ଅନୁଭୂତ ହେବା ପରେ ଜାପାନ ସମେତ ୪ଟି ଦେଶରେ ଖେଳିଥିଲା ଆତଙ୍କ। ହୋନସୁରେ ଏକ ମିଟର ଉଚ୍ଚତା ଓ ଓ୍ବାଜିମାରେ ଦେଢ ମିଟର ଉଚ୍ଚତାର ଜୁଆର ଆସିବା ପରେ ବ୍ୟାପକ କ୍ଷୟକ୍ଷତି ହୋଇଛି। ଅନେକ ବୃହତ କୋଠା ଟଳିପଡିଥିବାବେଳେ ହଜାର ହଜାର ଘରେ ଫାଟ ସୃଷ୍ଟି ହୋଇଛି।
ହଜାର ହଜାର ଲୋକ ବିଦ୍ଯୁତରୁ ବଞ୍ଚିତ ହୋଇଛନ୍ତି। ପ୍ରାୟ ଏକ ହଜାର ସାମରିକ ଅଧିକାରୀଙ୍କ ୨୦ଟି ସାମରିକ ହେଲିକପ୍ଟରକୁ ଉଦ୍ଧାର କାର୍ଯ୍ୟରେ ନିୟୋଜିତ କରାଯାଇଛି।
