କଟକ ଆସୁଥିବା ବେଳେ ଜନନୀ ଏକ୍ସପ୍ରେସ ଗାଡି ଦୁର୍ଘଟଣାଗ୍ରସ୍ତ

ଜଗତସିଂହପୁର: ଜଗତସିଂହପୁର-କଟକ ରାସ୍ତା ହଜିପୁର ଛକ ନିକଟରେ ଜନନୀ ଏକ୍ସପ୍ରେସ ଗାଡି ଦୁର୍ଘଟଣାଗ୍ରସ୍ତ । ଦୁର୍ଘଟଣାରେ ଜଣେ ଗୁରୁତର ହୋଇଛନ୍ତି । ଜଗତସିଂପୁରରୁ ଜନନୀ ଏକ୍ସପ୍ରେସ ଗାଡି କଟକ ଆସୁଥିବା ବେଳେ ଭାରସାମ୍ୟ ହରାଇ ଏକ ଜଳଖିଆ ଦୋକାନ ଭିତରକୁ ଧସେଇ ପଶିଥିଲା ।

ଦୋକାନରେ ଥିବା କ୍ଷୀର ବ୍ୟବସାୟୀ ଗୁରୁତର ଆହତ ହୋଇଛନ୍ତି। ତାଙ୍କୁ ସ୍ଥାନୀୟ ବିରିଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ଗାଡି ଚାଳକ ଫେରାର ହୋଇଯାଇଛି । ଘଟଣାସ୍ଥଳରେ ବିରିଡି ପୋଲିସ ପହଞ୍ଚି ତଦନ୍ତ ଚଳାଇଛି ।