ନନ୍ଦିଘୋଷ ବ୍ୟୁରୋ: ଜନଗଣନା ପାଇଁ ପ୍ରସ୍ତୁତି ଆରମ୍ଭ କଲେ କେନ୍ଦ୍ର ସରକାର। ଜନଗଣନା ଅପରେସନ ନିର୍ଦ୍ଦେଶକ ଭାବେ ୨୦୧୨ ଓଡ଼ିଶା କ୍ୟାଡର ଆଇଏଏସ ଅଫିସର ନିଖିଲ ପବନ କଲ୍ୟାଣଙ୍କୁ ଦାୟିତ୍ବ ଦିଆଯାଇଛି। ଡିସେମ୍ବର ୩୧ ତାରିଖ ପର୍ଯ୍ୟନ୍ତ ଏହି ଦାୟିତ୍ବରେ ରହିବେ ନିଖିଲ ପବନ କଲ୍ୟାଣ। ଆବଶ୍ୟକ ପଡ଼ିଲେ ତାଙ୍କ କାର୍ଯ୍ୟକାଳ ଅବଧି ବଢ଼ିପାରେ। ଏନେଇ କେନ୍ଦ୍ର କାର୍ମିକ ମନ୍ତ୍ରାଳୟ ମୁଖ୍ୟ ଶାସନ ସଚିବଙ୍କୁ ଚିଠି ଲେଖି ଜଣାଇଛି। ୧୪ ବର୍ଷ ପରେ ଦେଶରେ ହେବ ଜନଗଣନା। ଶେଷ ଥର ପାଇଁ ୨୦୧୧ ମସିହାରେ ହୋଇଥିଲା ଜନଗଣନା। ନିର୍ଦ୍ଦେଶକ ଭାବେ ନିଖିଲ ପବନ କଲ୍ୟାଣଙ୍କ ନିଯୁକ୍ତି ପରେ ଜିଲ୍ଲା ଓ ବ୍ଲକ ସ୍ତରରେ ହେବ ଅଧିକାରୀ ନିଯୁକ୍ତି।
