ସେନା କ୍ୟାମ୍ପରେ ରହିବେ ଅଣ କାଶ୍ମୀର ଲୋକେ
ଜମ୍ମୁ: ଜମ୍ମୁ ଓ କାଶ୍ମୀରେ ରହୁଥିବା ରାଜ୍ୟ ବାହାରର ଲୋକଙ୍କ ଉପରେ ଆତଙ୍କବଦୀ ଆକ୍ରମଣ ବଢ଼ି ଚାଲିଛି । ଯାହାକୁ ନେଇ ଘଶଟିରେ ଅଶାନ୍ତିର ବାତାବରଣ ସୃଷ୍ଟି ହୋଇଛି । ସୀମା ଆରପଟୁ ଅନୁପ୍ରବେଶ ବଢ଼ିବା ସହ ସାଧାରଣ ନାଗରିକ, କାଶ୍ମୀର ପଣ୍ଡିତ ଓ ବାହାର ରାଜ୍ୟର ଲୋକଙ୍କ କରୁଛନ୍ତି ଟାର୍ଗେଟ୍ । ଏପରି ସ୍ଥିତିରେ ରାଜ୍ୟ ପୋଲିସ ପକ୍ଷରୁ ଆଡଭାଇଜରୀ ଜାରି କରାଯାଇଛି । ଏଥିରେ ବାହାର ରାଜ୍ୟର ଲୋକଙ୍କୁ ପୋଲିସ ଓ ସେନା କ୍ୟାମ୍ପରେ ଆଣି ରଖିବା ପାଇଁ କୁହାଯାଇଛି ।
ସବୁ ଜିଲ୍ଲାର ପୋଲିସକୁ କୁହାଯାଇଛି, ସେମାନଙ୍କ ଜିଲ୍ଲାରେ ରହୁଥିବା ଅଣ କାଶ୍ମୀର ଶ୍ରମିକଙ୍କୁ ଏକାଠି କରି ତୁରନ୍ତ ପୋଲିସ ଓ ସେନା କ୍ୟାମ୍ପକୁ ଆଣିବାକୁ ।
ସେପଟେ ପୁଞ୍ଚ ଓ ରାଜୋରୀରେ ସେନା ପକ୍ଷରୁ ଜାରି ରହିଛି ତଲାସି ଅଭିଯାନ । ଅନ୍ୟ ଅଞ୍ଚଳରେ ମଧ୍ୟ ସର୍ଚ୍ଚ ଅପରେସନ୍ ଜୋରଦାର କରିଛନ୍ତି ସୁରକ୍ଷାବଳ । ସପ୍ତାହେରୁ ଅଧିକ ସମୟ ହେବ ଯବାନ ଓ ଆତଙ୍କୀଙ୍କ ମଧ୍ୟରେ ସଂଘର୍ଷ ଲାଗି ରହିଛି । ଏଥିରେ ୯ ଜଣ ଯବାନ ସହିଦ ହୋଇଥିବାବେଳେ ୧୩ ଜଣ ଆତଙ୍କବାଦୀ ନିହତ ହୋଇଛନ୍ତି ।
ଆସାମରେ ମଧ୍ୟ ହାଇଆର୍ଲଟ ଜାରି କରାଯାଇଛି । ଜନଗହଳିପୂର୍ଣ୍ଣ ସ୍ଥାନରେ ଆତଙ୍କୀ ଆକ୍ରମଣ ନେଇ ସୂଚନା ଦେଇଛି ଗୁଇନ୍ଦା ବିଭାଗ ।
