ଜମ୍ମୁ-କଶ୍ମୀର କୁଲଗାମରେ ଆତଙ୍କବାଦୀ-ଯବାନ ଗୁଳିବିନିମୟ, ୨ଯବାନ ସହିଦ
1 min read
ନନ୍ଦିଘୋଷ ବ୍ୟୁରୋ: ଜାମ୍ମୁ ଓ କାଶ୍ମୀରର କୁଲଗାମରେ ଆତଙ୍କବାଦୀ-ଯବାନ ଗୁଳିବିନିମୟ । ଗୁଳିବିନିମୟରେ ସହିଦ ହୋଇଛନ୍ତି ୨ ଯବାନ । ଆହତ ହୋଇଛନ୍ତି ୧୦ରୁ ଅଧିକ ଯବାନ । ଲଗାତାର ୯ଦିନ ଧରି କୁଲଗାମରେ ଜାରି ରହିଛି ଅପରେସନ । ବର୍ତ୍ତମାନ ସୁଦ୍ଧା ୩ଜଣ ଆତଙ୍କୀ ନିପାତ ହୋଇଥିବା ସୂଚନା ମିଳିଛି । କୁଲଗାମରେ ଆତଙ୍କୀ ଲୁଚିଥିବା ସୂଚନା ମିଳିବା ପରେ ସେଠାରେ ଚାଲିଛି ଅପରେସନ। ଆତଙ୍କୀଙ୍କୁ ଠାବ କରିବା ଲାଗି ଡ୍ରୋନ ଓ ହେଲିକପ୍ଟର ନିୟୋଜିତ କରାଯାଇଛି ।
ଗତକାଲି ରାତିରୁ କୁଲଗାମରେ ହୋଇଥିବା ଏନକାଉଣ୍ଟରେ ୪ଜଣ ଯବାନ ଆହତ ହୋଇଥିଲେ। ଆତଙ୍କବାଦୀମାନେ ଅତ୍ୟାଧୁନିକ ଅସ୍ତ୍ରଶସ୍ତ୍ର ବ୍ୟବହାର କରୁଥିବା ସୂଚନା ମିଳିଛି। ଗତ ଅଗଷ୍ଟ ୧ରୁ କୁଲଗାମରେ ଜାରି ରହିଛି ଆର୍ମି ଅପରେସନ।
