ଘାଟିରେ ସେନାକୁ ବଡ଼ ସଫଳତା, ୧୨ ଘଣ୍ଟାରେ ଟଳିଲେ ୫ ଆତଙ୍କବାଦୀ

ଶ୍ରୀନଗର: ଘାଟିରେ ସେନାକୁ ମିଳିଲା ବଡ଼ ସଫଳତା । ଜାମ୍ମୁ-କାଶ୍ମୀରରେ ସୁରକ୍ଷାବାହିନୀ ପକ୍ଷରୁ ଚାଲିଥିବା ଆତଙ୍କୀ ବିରୋଧୀ ଅଭିଯାନକୁ ମିଳିଛି ଏକ ବଡ଼ ସଫଳତା । ଗତ ୧୨ ଘଣ୍ଟାରେ ଆତଙ୍କୀ ସଂଗଠନ ଲସ୍କର-ଇ-ତୈବା ଓ ଜୈଶ-ଇ-ମହମ୍ମଦର ୫ ଆତଙ୍କୀ ନିହତ ହୋଇଛନ୍ତି । ସେନାର ଏନକାଉଣ୍ଟରରେ ମୃତ୍ୟୁ ବରଣ କରିଥିବା ଆତଙ୍କୀଙ୍କ ମଧ୍ୟରେ ଜୈଶ-ଇ-ମହମ୍ମଦର କମାଣ୍ଡର ଜାହିଦ ଓ୍ୱାନି ଓ ଜଣେ ପାକିସ୍ତାନୀ ଆତଙ୍କବାଦୀ ସାମିଲ ଅଛନ୍ତି ।

05 #terrorists of #Pakistan sponsored proscribed #terror outfits LeT & JeM killed in dual #encounters in last 12 hours. JeM commander terrorist Zahid Wani & a Pakistani terrorist among the killed. Big #success for us: IGP Kashmir@JmuKmrPolice

— Kashmir Zone Police (@KashmirPolice) January 30, 2022

ଜାମ୍ମୁ-କାଶ୍ମୀରରେ ହୋଇଥିବା ଏନକାଉଣ୍ଟରକୁ ନେଇ କାଶ୍ମୀର ଜୋନ ପୋଲିସ ଟ୍ୱିଟ କରି ସୂଚନା ଦେଇଛି । ଟ୍ୱିଟ୍ କରି କାଶ୍ମୀର ପୋଲିସ କହିଛଇ କି “୧୨ ଘଣ୍ଟା ମଧ୍ୟରେ ହୋଇଥିବା ଦୁଇଟି ଏନକାଉଣ୍ଟରରେ ପାକିସ୍ତାନ ପ୍ରାୟୋଜିତ ଲସ୍କର-ଇ-ତୈବା ଓ ଜୈଶ-ଇ-ମହମ୍ମଦର ୫ ଜଣ ଆତଙ୍କୀ ନିହତ ହୋଇଛନ୍ତି । ମୃତକଙ୍କ ମଧ୍ୟରେ ଜୈଶ କମାଣ୍ଡର ଜାହିଦ ୱାନି ଓ ଆଉ ଜଣେ ପାକିସ୍ତାନୀ ଆତଙ୍କୀ ସାମିଲ ଥିଲେ । ଏହା ଆମ ପାଇଁ ଏକ ବଡ଼ ସଫଳତା ବୋଲି କହିଛନ୍ତି କଶ୍ମୀର ଆଇଜିପି ।”

#UPDATE | J&K: Total 5 terrorists killed in dual encounters in Pulwama (4) and Budgam (1) in the last twelve hours. JeM commander terrorist Zahid Wani & a Pakistani terrorist among the killed.

Visuals deferred by unspecified time. pic.twitter.com/xxiNt3Kk1O

— ANI (@ANI) January 30, 2022

ସୂଚନା ଅନୁସାରେ, କଶ୍ମୀରର ପୁଲୱାମା ଜିଲ୍ଲା ଅନ୍ତର୍ଗତ ନୈରା ଅଞ୍ଚଳରେ ହୋଇଥିବା ଏନକାଉଣ୍ଟରରେ ୪ ଜଣ ଆତଙ୍କବାଦୀ ନିହତ ହୋଇଛନ୍ତି । ଏନକାଉଣ୍ଟରରେ ମୃତ୍ୟୁ ବରଣ କରିଥିବା ଆତଙ୍କବାଦୀଙ୍କଠାରୁ ବିପୁଳ ପରିମାଣର ବିସ୍ଫୋରକ ଓ ଆପତ୍ତିଜନକ ସାମଗ୍ରୀ ମିଳିଛି। ସେନାର ଏନକାଉଣ୍ଟର ପରେ ଏବେ ବି ସ୍ଥାନୀୟ ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି ।