ଜାମ୍ମୁ-କାଶ୍ମୀର ବିକାଶ ପରିଷଦ ନିର୍ବାଚନ, ଗୁପକାର ମେଣ୍ଟକୁ ବିଜେପର କଡ଼ା ଟକ୍କର

ନୂଆଦିଲ୍ଲୀ: ଜାମ୍ମୁ-କାଶ୍ମୀର ବିକାଶ ପରିଷଦ ନିର୍ବାଚନରେ ବିଜେପି ଓ ଗୁପକାର ଗଠବନ୍ଧନ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଛି । ଗୁପକାର ଗଠବନ୍ଧନ ଅଧିକ ଆସନ ହାତେଇଥିବା ବେଳେ ବିଜେପି କଡ଼ା ଟକ୍କର ଦେଇଥିଲା । କଂଗ୍ରେସର ପ୍ରଦର୍ଶନ ନୈରାଶ୍ୟଜନକ ରହିଛି ।

ଜାମ୍ମୁ-କାଶ୍ମୀରବାସୀ ସ୍ୱାଧୀନ ପ୍ରାର୍ଥୀମାନଙ୍କ ଉପରେ ଅଧିକ ଭରସା କରିଛନ୍ତି । ଜାମ୍ମୁ-କାଶ୍ମୀରରୁ ଧାରା ୩୭୦ ହଟିବା ପରେ ପ୍ରଥମ ଥର ପାଇଁ ହୋଇଥିଲା ଏହି ନିର୍ବାଚନ । ବିଜେପିକୁ ଟକ୍କର ଦେବା ପାଇଁ ଏକ ହୋଇ ଆସିଥିଲେ ନ୍ୟାସନାଲ କନଫରେନସ ଦଳ ଓ ପିଡିପି । ନିର୍ବାଚନର ଫଳାଫଳକୁ ନେଇ ବିଜେପି ଉତ୍ସାହିତ ରହିଛି ।

ପ୍ରଧାନମନ୍ତ୍ରୀଙ୍କ ପ୍ରତି ଲୋକ ଭରସା କରି ବିଜେପିକୁ ଭୋଟ ଦେଇଥିବା କହିଛନ୍ତି ନେତାଏ । ଜାମ୍ମୁ ସମେତ ଘାଟୀ ଅଞ୍ଚଳରେ ବିଜେପି ଭଲ ପ୍ରଦର୍ଶନ କରିଛି । ବିଜୟ ପରେ ପ୍ରାର୍ଥୀମାନେ ନିଜ ସମର୍ଥକଙ୍କ ସହ ଖୁସି ମନାଇଥିଲେ । ୨୮୦ଟି ଆସନରେ ମତଦାନ ହୋଇଥିବାବେଳେ ମୈଦାନରେ ଥିଲେ ମୋଟ ୨୧୭୮ ଜଣ ପାର୍ଥୀ । ୮ଟି ପର୍ଯ୍ୟାୟରେ ହୋଇଥିଲା ମତଦାନ ।