ଆତଙ୍କବାଦୀ ଦମନ ଅପରେସନ୍ ବେଳେ ୨ ଅଧିକାରୀ ସମେତ ୫ ଯବାନ ନିଖୋଜ…
ଶ୍ରୀନଗର: ଶନିବାର ଜାମ୍ମୁ କାଶ୍ମୀରର କୁପୱାଡ଼ା ଜିଲ୍ଲାରେ ଆତଙ୍କବାଦ ବିରୋଧୀ ଅପରେସନ୍ ବେଳେ ଦୁଇ ଅଧିକାରୀଙ୍କ ସମେତ ସୁରକ୍ଷା ବଳର ପାଞ୍ଚ ଜଣ କର୍ମଚାରୀ ନିଖୋଜ ହୋଇଯାଇଛନ୍ତି । ମିଳିଥିବା ସୂଚନା ଅନୁଯାୟୀ ଅପରେସନ୍ ବେଳେ ଆତଙ୍କବାଦୀମାନେ ଲୁଚି ରହିଥିବା ଘର ଭିତରକୁ ଯବାନମାନେ ଯାଇଥିଲେ । ସେବେଠାରୁ ସେମାନଙ୍କ ସହ ଯୋଗାଯୋଗ ଛିନ୍ନ ହୋଇଛି ।
ଜଣେ ପୋଲିସ ଅଧିକାରୀଙ୍କ କହିବାନୁଯାୟୀ ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ପାଇବା ପରେ ସୁରକ୍ଷା ବାହିନୀ ଶୁକ୍ରବାର ଉତ୍ତର କାଶ୍ମୀରର କୁପୱାଡ଼ା ଜିଲ୍ଲାର ହାଣ୍ଡୱାଡ଼ାର ଚାଞ୍ଜମୁଲ୍ଲା ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ କରିଥିଲା । ସେ କହିଛନ୍ତି ଯେ ସୁରକ୍ଷାବଳ ଏହି ଅଞ୍ଚଳରେ ବ୍ୟାପକ ଅପରେସନ୍ କରିଥିଲା । ଶନିବାର ସନ୍ଧ୍ୟାରେ ଆତଙ୍କବାଦୀ ସୁରକ୍ଷାବଳଙ୍କ ମଧ୍ୟରେ ଗୂଳିବିନିମୟ ହୋଇଥିଲା । ତେବେ ଏନେଇ ଅଧିକାରୀ ଜଣକ ଅଧିକ ସୂଚନା ଦେଇନାହାଁନ୍ତି ।
ସେନା ପକ୍ଷରୁ ମିଳିଥିବା ସୂଚନା ଅନୁଯାୟୀ, ସୁରକ୍ଷାବଳର ପାଞ୍ଚ ଜଣ ଯବାନ ନିଖୋଜ ହୋଇଛନ୍ତି । କାରଣ ତାଙ୍କ ସହ ଯୋଗାଯୋଗ ଛିନ୍ନ ହୋଇଛି । ନିଖୋଜ ଥିବା ପାଞ୍ଚ ଜଣ କର୍ମଚାରୀଙ୍କ ମଧ୍ୟରେ ଦୁଇଜଣ ଅଧିକାରୀ ଅଛନ୍ତି । ନିଖୋଜ ସୁରକ୍ଷା ବାହିନୀକୁ ଖୋଜିବା ପାଇଁ ସର୍ଚ୍ଚ ଅପରେସନ ଆରମ୍ଭ ହେବା ସହ ଆତଙ୍କବାଦୀଙ୍କୁ ଦମନ ପାଇଁ ଅପରେସନ ଜାରି ରହିଛି ।
ଅନ୍ୟ ଏକ ଅପରେସନରେ ଦକ୍ଷିଣ କାଶ୍ମୀର ଜିଲ୍ଲାର ଦଙ୍ଗେରପୁରା ଅଞ୍ଚଳରେ ମାଓବାଦୀଙ୍କ ଉପସ୍ଥିତି ନେଇ ସୂଚନା ମିଳିଥିଲା । ଫଳରେ ଆଜି ସକାଳେ ସୁରକ୍ଷା ବାହିନୀ ଏହି ଅଞ୍ଚଳକୁ ଘେରି ସର୍ଚ୍ଚ ଅପରେସନ ଆରମ୍ଭ କରିଛନ୍ତି । ସର୍ଚ୍ଚ ଅପରେସନ ବେଳେ ଲୁଚି ରହିଥିବା ଆତଙ୍କବାଦୀଙ୍କ ଗୁଳିବିନିମୟ ହୋଇଥିବା ସୂଚନା ମିଳିଛି ।
