ଭୁବନେଶ୍ବରରେ ଜାମ୍ମୁ କାଶ୍ମୀର ରାଜ୍ୟପାଳ ମନୋଜ ସିହ୍ନା

ଭୁବନେଶ୍ବର : ଭୁବନେଶ୍ବରରେ ଜାମ୍ମୁ କାଶ୍ମୀର ରାଜ୍ୟପାଳ ମନୋଜ ସିହ୍ନା । ଆଜି ଅପରାହ୍ଣରେ ଓ-ହବରେ ଷ୍ଟାର୍ଟଅପ୍ ଓଡିଶା ପରିଦର୍ଶନ କରିଛନ୍ତି । ଏହି ଅବସରରେ ତାଙ୍କୁ ଭବ୍ୟ ସ୍ବାଗତ କରାଯାଇଥିଲା । ଷ୍ଟାର୍ଟଅପ୍ ଓଡିଶାର ନିମନ୍ତ୍ରଣ କ୍ରମେ ଅହମ୍ମଦାବାଦ ବିଶ୍ବବିଦ୍ୟାଳୟର କୁଳପତି ପ୍ରଫେସର ପଙ୍କଜ ଚନ୍ଦ୍ର ମଧ୍ୟ ଯୋଗ ଦେଇଥିଲେ । ଷ୍ଟାର୍ଟଅପ୍ ଓଡିଶାର କାର୍ଯ୍ୟନିର୍ବାହୀ ଅଧ୍ୟକ୍ଷ ଡକ୍ଟର ଓମକାର ରାୟ ଏକ ଉପସ୍ଥାପନାରେ ଷ୍ଟାର୍ଟଅପ୍ ଓଡିଶାକୁ ଜାତୀୟ ମଞ୍ଚରେ ସ୍ଥାନିତ କରିଥିବା ଉଲ୍ଲେଖନୀୟ ସଫଳତାକୁ ତାଙ୍କ ଆଗରେ ପ୍ରଦର୍ଶନ କରିଥିଲେ । ଏହି ଅବସରରେ କୃଷି ଏବଂ ଉଦ୍ୟାନ କୃଷି କ୍ଷେତ୍ରରେ ଷ୍ଟାର୍ଟଅପ୍ ସଂଖ୍ୟା ବୃଦ୍ଧି ଉପରେ ଆଲୋକପାତ କରିଥିଲେ ଜମ୍ମୁ କାଶ୍ମୀର ରାଜ୍ୟପାଳ ।

ମନୋଜ ସିହ୍ନାଙ୍କ ଗସ୍ତ ଓଡିଶାର ଷ୍ଟାର୍ଟଅପ୍ ଇକୋସିଷ୍ଟମ ପାଇଁ ପ୍ରେରଣା ଯୋଗାଇବା ସହ ଉଭୟ ରାଜ୍ୟ ମଧ୍ୟରେ ଏକ ଗୁରୁତ୍ୱପୂର୍ଣ ବାର୍ତ୍ତା ବହନ କରିବ ବୋଲି ଡ. ଓମକାର ରାୟ ସୂଚନା ଦେଇଛନ୍ତି ।