ଆସନ୍ତାକାଲି ଜାମ୍ମୁ ଓ କାଶ୍ମୀରରେ ଶେଷ ଭୋଟ୍, ୪୦ ଆସନରେ ଭାଗ୍ଯ ପରୀକ୍ଷା କରିବେ ୪୪୯ ପ୍ରାର୍ଥୀ
1 min read
ଶ୍ରୀନଗର : ଆସନ୍ତାକାଲି ଜମ୍ମୁ ଓ କାଶ୍ମୀରର ତୃତୀୟ ତଥା ଶେଷ ପର୍ଯ୍ୟାୟ ଭୋଟ । ୪୦ଟି ଆସନ ଲାଗି ମଇଦାନରେ ଅଛନ୍ତି ୪୪୯ ପ୍ରାର୍ଥୀ । ତ୍ରେହଗାଓଁ, କୁପଓ୍ବାରା, ସୋପୋର, ବାରମୁଲ୍ଲା, ଗୁଲମାର୍ଗ, ବାନ୍ଦିପୋରା, ଉଦ୍ଧମପୁର ଓ୍ବେଷ୍ଟ, ଉଦ୍ଧମପୁର ଇଷ୍ଟ, କାଠୁଆ ଆଦି ଆସନରେ ହେବ ଭୋଟ । ଜମ୍ମୁ ଅଞ୍ଚଳର ୨୩ ଓ କାଶ୍ମୀର ଅଞ୍ଚଳର ୧୭ ଆସନରେ ହେବ ଭୋଟ ।
ବାରମୁଲ୍ଲାରେ ୧୦୭, କୁପଓ୍ବାରାରେ ୭୫, ବାନ୍ଦିପୋରାରେ ୪୬ ପ୍ରାର୍ଥୀ ରହିଛନ୍ତି। ୧ ହଜାର ୪୮୪ ପୋଲିଂ ଷ୍ଟେସନରେ ମୋଟ ୧୨ ଲକ୍ଷ ଭୋଟର କରିବେ ମତଦାନ । ହାଇପ୍ରୋଫାଇଲ ଆସନ ହନ୍ଦବାରାରେ ଏନସିରୁ ପ୍ରାର୍ଥୀ ହୋଇଛନ୍ତି ଚୌଧୁରୀ ମହମ୍ମଦ ରମଜାନ, ପିପୁଲ୍ସ କନଫରେନ୍ସରୁ ପ୍ରାର୍ଥୀ ହୋଇଛନ୍ତି ଏହାର ଅଧ୍ଯକ୍ଷ ସାଜ୍ଜଦ ଗନି ଲୋନ ଓ ବିଜେପିରୁ ପ୍ରାର୍ଥୀ ହୋଇଛନ୍ତି ଗୁଲାମ ମହମ୍ମଦ ମୀର । ପ୍ରଥମ ପର୍ଯ୍ୟାୟରେ ୫୯ ପ୍ରତିଶତ ମତଦାନ ହୋଇଥିବାବେଳେ ଦ୍ବିତୀୟ ପର୍ଯ୍ୟାୟରେ ହୋଇଥିଲା ୫୭.୦୩ ପ୍ରତିଶତ ମତଦାନ । ଅଧିକାଂଶ ସ୍ଥାନରେ ନ୍ଯାସନାଲ କନଫରେନ୍ସ-କଂଗ୍ରେସ ମେଣ୍ଟ, ବିଜେପି ଓ ପିଡିପି ମଧ୍ଯରେ ତ୍ରିମୁଖୀ ପ୍ରତିଦ୍ବନ୍ଦ୍ବିତା ହେଉଛି।
