ରାସ୍ତାରେ ଜଳିଗଲା ସେନା ଗାଡି, ୪ ଯବାନ ସହିଦ

ଜମ୍ମୁ କାଶ୍ମୀର:  ଘଟିଛି ବଡ଼ ଅଘଟଣ  । ରାସ୍ତା ମଝିରେ ହୁତୁ ହୁତୁ ହୋଇ ଜଳିଗଲା ସେନା ଗାଡି  । ମିଳିଥିବା ସୂଚନା ମୁତାବକ ଗାଡିରେ ୪ ଜଣ ଯବାନ ରହିଥିଲେ  । କୌଣସି କାରଣ ବଶତଃ ଗାଡିରେ ନିଆଁ ଲାଗିଯାଇଥିଲା  । ଯାହା ଫଳରେ ଗାଡିଟି ତତକ୍ଷଣାତ ସେହିଠାରେ ହିଁ ଜଳିଯାଇଥିଲା  । ଗାଡିରେ ଥିବା ୪ ଜଣ ଯବାନ ସହିଦ ହୋଇଥିବା ସୂଚନା ରହିଛି  ।

ସେପଟେ ସ୍ଥାନୀୟ ଲୋକ ହିଁ ପ୍ରଥମେ ନିଆଁ ଲାଗିଥିବା ନେଇ ସୂଚନା ଦେଇଥିଲେ  । ବରିଷ୍ଠ ଅଧିକାରୀ ଏନେଇ ସୂଚନା ପାଇଥିଲେ  । ସୂଚନା ପାଇବା ପରେ ଘଟଣା ସ୍ଥଳରେ ପହଁଚିଥିଲେ ବରିଷ୍ଠ ଅଧିକାରୀ  । ମେଡିକାଲ ଟିମ୍ ଓ ଆମ୍ବୁଲାନ୍ସ ମଧ୍ୟ ପହଁଚି ଯବାନଙ୍କୁ ଉଦ୍ଧାର କରିବାରେ ଲାଗିଥିଲେ  । ଦୁର୍ଘଟଣା ପୁଞ୍ଚ ଅଞ୍ଚଳରେ ହୋଇଥିବା ଜଣାପଡିଛି  । କିନ୍ତୁ ଗାଡିରେ ଥିବା ସମସ୍ତ ଯବାନ ସହିଦ ହୋଇଛନ୍ତି  ।