ନନ୍ଦିଘୋଷ ବ୍ୟୁରୋ : ବେଲପାହାଡ ମ୍ୟୁନିସିପାଲଟିରେ ଦୁର୍ନୀତି ପ୍ରସଙ୍ଗ। ନିଲମ୍ବନ ହେଲେ ଯମଡା ତହସିଲଦାର। ବେଲପାହାଡ଼ ମ୍ୟୁନିସିପାଳିଟିର ପୂର୍ବତନ କାର୍ଯ୍ୟ ନିର୍ବାହୀ ଅଧିକାରୀ ତଥା ବର୍ତ୍ତମାନ ମୟୂରଭଞ୍ଜ ଜିଲ୍ଲାର ଜମଡା ତହସିଲଦାର ମଧୁସ୍ମିତା ସିଂହଙ୍କୁ ନିଲମ୍ବନ କରିଛି ରାଜସ୍ୱ ବିଭାଗ। ଏହାସହ ମୁଖ୍ୟାଳୟ ନଛାଡିବାକୁ ନିର୍ଦ୍ଦେଶ ଦିଆଯାଇଛି। ତଦନ୍ତ ସରିବା ଯାଏଁ ରାଇରଙ୍ଗପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ରହିବେ ମଧୁସ୍ମିତା। ମୟୂରଭଞ୍ଜ ଜିଲ୍ଲାପାଳଙ୍କ ବିନା ଅନୁମତିରେ ମୁଖ୍ୟାଳୟ ଛାଡ଼ି ପାରିବେ ନାହିଁ। ବେଳପାହାଡ଼ରେ କାର୍ଯ୍ୟ ନିର୍ବାହୀ ଅଧିକାରୀ ଭାବେ ଥିବା ବେଳେ ଷ୍ଟ୍ରିଟ ଲାଇଟ ପ୍ରୋଜେକ୍ଟ, କେଶ ବୁକ ଅନିୟମିତତା, ରସାୟନ କିଣାବିକା ଆଦିରେ ଦୁର୍ନୀତି ହେଇଥିବା ନେଇ ଅଭିଯୋଗ ପରେ EOW ବେଳପାହାଡ଼ ଆସି ଏହାର ଯାଞ୍ଚ କରିଥିଲା। ଏହି ଘଟଣାରେ ବେଳପାହାଡ଼ ମ୍ୟୁନିସିପାଳିଟିର ଆକାଉଣ୍ଟେଣ୍ଟ ବିଭୁତି ସାହୁ ଗିରଫ ହୋଇ ସାରିଛନ୍ତି।
