ବାଲେଶ୍ଵର : ବାଲେଶ୍ଵର ଜିଲ୍ଲା ଭୋଗରାଇ ବ୍ଳକ୍ ବେଣୁଦା ଜଗନ୍ନାଥ ମନ୍ଦିରରୁ ଲୁଟ । ବିଳମ୍ବିତ ରାତିରେ ମନ୍ଦିରରୁ ଲୁଟ ହେଇଛି। ମନ୍ଦିରର ମୁଖ୍ୟ ଗେଟ୍ ତାଲା କାଟି ସୁନା ଅଳଙ୍କାର, ଦାନ ହୁଣ୍ଡି, ମାଇକ୍ ସେଟ୍, ଇନଭେଟର ନେଇ ଯାଇଛନ୍ତି ଚୋରମାନେ। କମର୍ଦ୍ଦା ପୋଲିସକୁ ଗାଁ ଲୋକେ ଖବର ଦେଇଛନ୍ତି। ଲୋକଙ୍କ ଅଭିଯୋଗ ଏହି ଅଞ୍ଚଳରେ ଚୋର ଡକାୟତ ଆତଙ୍କ ଖେଳାଇଥିଲେ ମଧ୍ୟ ପୋଲିସ ସେମାନଙ୍କୁ ଧରି ପାରିନି। ଏହି ମନ୍ଦିରରୁ ଦୁଇ ବର୍ଷ ଭିତରେ ତିନି ଥର ଚୋରି ହେଲାଣି। ସେହିପରି ଭୋଗରାଇ ଥାନା ଝକଝକିରେ ଥିବା ସିତଳା ମନ୍ଦିର ଓ କାଳି ମନ୍ଦିରରୁ ମଧ୍ୟ ଚୋରି ହୋଇଥିବାର ଜଣାପଡ଼ିଛି। ଦୁର୍ବୃତ୍ତମାନେ ଅଳଙ୍କାର ଓ ଦାନ ହୁଣ୍ଡି ନେଇ ଯାଇଛନ୍ତି।
