ସରିଛି ଶ୍ରାବଣ ସୋମବାର, ଚାଲିଛି ବୋଲବମ୍

ଜଳେଶ୍ବର: ଶ୍ରାବଣରେ ଶିବ ପୂଜା । ଶ୍ରାବଣ ପୂର୍ଣ୍ଣମୀ ପାଇଁ ଚଳଚଞ୍ଚଳ ଜଳେଶ୍ବର ଚନ୍ଦନେଶ୍ବର ପୀଠ । ମହାଦେବଙ୍କ ଜଳଲାଗି ପାଇଁ ଅପେକ୍ଷାରତ ହଜାର ହଜାର ଭକ୍ତ । ଜଳେଶ୍ବର ଚନ୍ଦନେଶ୍ବର ପୀଠରେ ଶ୍ରାବଣ ପୂର୍ଣ୍ଣମୀରେ ଜଳଲାଗି କରିବାର ସ୍ବତନ୍ତ୍ର ମହାତ୍ମ୍ୟ ରହିଛି । ଶ୍ରାବଣ ପୂର୍ଣ୍ଣମୀରେ ପ୍ରଭୁ ଚନ୍ଦନେଶ୍ବରଙ୍କୁ ଜଳଲାଗି କଲେ ମନୋବଞ୍ଛା ପୂରଣ ହୁଏ, କୋଟି ଜନ୍ମର ପୂଣ୍ୟ ମିଳେ ବୋଲି ବିଶ୍ବାସ ରହିଛି । ଯେଉଁଥିପାଇଁ ପ୍ରତିବର୍ଷ ଶ୍ରାବଣ ସୋମବାର ଲିଙ୍ଗରେ ଜଳଲାଗି ହେଉଥିଲେ ବି ପୂର୍ଣ୍ଣମୀରେ ଜଳଲାଗି କରିବାକୁ ଅପକ୍ଷା କରିଥାନ୍ତି ଲକ୍ଷ ଲକ୍ଷ ଶ୍ରଦ୍ଧାଳୁ । ଆସନ୍ତାକାଲି ଶ୍ରାବଣ ପୂର୍ଣ୍ଣମୀ ଥିବାରୁ ଆଜିଠୁ ସୁବର୍ଣ୍ଣରେଖା ନଦୀ ଘାଟରୁ ପାଣି ଭାର ନେଇ ବାବାଙ୍କ ପୀଠରେ ପହଞ୍ଚିଛନ୍ତି କାଉଡିଆ । ଶୃଙ୍ଖଳା ରକ୍ଷା ପାଇଁ ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ୧୦ ପ୍ଲାଟୁନ ପୋଲିସ ଫୋର୍ସ ସହ ଏନଡିଆରଏଫ, ଓଡ୍ରାଫ ଓ ଅଗ୍ନିଶମ ବାହିନୀ ଘାଟରେ ମୁତୟନ ହୋଇଛନ୍ତି । ଜଳେଶ୍ଵରରୁ ଚନ୍ଦନେଶ୍ଵର ପୀଠ ରାସ୍ତାରେ ଭକ୍ତଙ୍କ ଭିଡକୁ ଦୃଷ୍ଟିରେ ରଖି ପୋଲିସ ପାଟ୍ରୋଲିଂ କଡ଼ା କଡ଼ି କରାଯାଇଛି । ଆଜି ରାତ୍ରି ୯ଟାରୁ ବାବା ଚନ୍ଦନେଶ୍ଵରଙ୍କ ଜଳାଭିଷେକ ଆରମ୍ଭ ହେବା । ସାରାରାତି ଭକ୍ତମାନେ ଜଳଲାଗି କରିବେ ।