ଯାଜପୁର ଗୁଳିକାଣ୍ଡ ଘଟଣା: ମୃତାହତଙ୍କ ପରିବାରକୁ ଭେଟିଲେ ବିଜେଡି ନେତା ପ୍ରଣବ ପ୍ରକାଶ ଦାସ
ଯାଜପୁର: ଯାଜପୁର ରୋଡ଼ ପାଣିକୋଇଲିରେ ଥିବା ସୁନା ଦୋକନାରେ ଲୁଟ ଉଦ୍ୟମ ବେଳେ ଗୁଳିକାଣ୍ଡ ଘଟଣା । ମୃତାହତଙ୍କ ପରିବାରକୁ ଭେଟିଲେ ବିଜେଡି ନେତା ପ୍ରଣବ ପ୍ରକାଶ ଦାସ । ହସ୍ପିଟାଲକୁ ଯାଇ ମୃତ ବିଦ୍ୟୁତ କର୍ମଚାରୀଙ୍କ ପରିବାର ଓ ଆହତଙ୍କୁ ଭେଟିଛନ୍ତି ପ୍ରଣବ ।
ଘଟଣାରେ ଦୁଇ ଜଣଙ୍କ ମୃତ୍ୟୁ ଘଟିଥିବା ବେଳେ ଏବେ ବି ଜଣେ ଦୋକାନ କର୍ମଚାରୀ ଗୁରୁତର ଆହତ ହୋଇ ମେଡିକାଲରେ ଚିକିତ୍ସିତ ହେଉଛନ୍ତି । ସେହିପରି ସ୍ଥାନୀୟ ଲୋକେ ଦୁଇ ଲୁଟେରାଙ୍କୁ କାବୁ କରି ନିର୍ଧୁମ ମାଡ଼ ମାରିଛନ୍ତି । ସେମାନଙ୍କ ସ୍ବାସ୍ଥ୍ୟାବସ୍ଥା ମଧ୍ୟ ଗୁରୁତର ରହିଛି । ଉଭୟଙ୍କୁ ମେଡିକାଲରେ ଭର୍ତ୍ତି କରିଛନ୍ତି ।
ସୂଚନାଯୋଗ୍ୟ, ଆଜି ପାଣିକୋଇଲିରେ ଥିବା ପଣ୍ଡା ଅଳଙ୍କାର ଦୋକାନରୁ ଲୁଟ କରିବାକୁ ଏକ ବାଇକରେ ତିନି ଦୁର୍ବୃତ୍ତ ଆସି ଉଦ୍ୟମ କରିଥିଲେ । ଏହାସହ ସେମାନେ ଗୁଳି ମାଡ଼ ମଧ୍ୟ କରିଥିଲେ । ଘଟଣା ସ୍ଥଳରେ ଦୋକାନକୁ ବିଦ୍ୟୁତ କାମ କରିବାକ ବସିଥିବା ନୀଳମାଧବ ପଣ୍ଡା ନାମକ ଜଣେ ବିଦ୍ୟୁତ କର୍ମଚାରୀଙ୍କ ମୃତ୍ୟୁ ଘଟିଥିଲା । ଦୋକାନର ଦୁଇ କର୍ମଚାରୀଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ସୁନୀଲ ରାୟ ନାମକ ଜଣେ କର୍ମଚାରୀଙ୍କୁ କଟକ ଏସସିବିକୁ ସ୍ଥାନାନ୍ତର କରାଯାଇଥିଲା । ଏସସିବି ନେବା ବାଟରେ ତାଙ୍କର ମୃତ୍ୟୁ ଘଟିଥିଲା ।
