ଆରମ୍ଭ ହେଲା ଯାଜପୁର ସଦର ମହୋତ୍ସବ

ନନ୍ଦିଘୋଷ ବ୍ୟୁରୋ: ଆରମ୍ଭ ହେଲା ଯାଜପୁର ସଦର ମହୋତ୍ସବ । ଯାଜପୁର ବ୍ଲକ ଅନ୍ତର୍ଗତ କବୀରପୁର ଦଶହରା ପଡିଆରେ ରଙ୍ଗାରଙ୍ଗ କାର୍ଯ୍ୟକ୍ରମ ଜରିଆରେ ଉଦଘାଟିତ ହୋଇଛି । ସମାଜସେବୀ ବ୍ରଜ କିଶୋର ପାଢୀଙ୍କ ସଭାପତିତ୍ବରେ ଆୟୋଜିତ ଉଦଘାଟନୀ ଉତ୍ସବରେ ମୁଖ୍ୟ ଅତିଥିଭାବେ ଯାଜପୁରର ପୂର୍ବତନ ବିଧାୟକ ପ୍ରଣବ ପ୍ରକାଶ ଦାସ ଯୋଗ ଦେଇଥିଲେ । ସମ୍ମାନୀୟ ଅତିଥି ଭାବେ ଧର୍ମଶାଳାର ପୂର୍ବତନ ବିଧାୟକ ପ୍ରଣବ ବଳବନ୍ତରାୟ, ମୁଖ୍ୟବକ୍ତା ଭାବେ ବରୀର ବିଧାୟକ ବିଶ୍ୱରଞ୍ଜନ ମଲ୍ଲିକ ଯୋଗଦେଇ ପ୍ରଦୀପ ପ୍ରଜ୍ବଳନ କରି ଆନୁଷ୍ଠାନିକ ଭାବେ ମହୋତ୍ସବ ଉଦଘାଟନ କରିଥିଲେ l ଯାଜପୁର ସଦର ମହୋତ୍ସବ ୧୨ ବର୍ଷରେ ପଦାର୍ପଣ କରି ଥିବାରୁ ବହୁ ଜନସମାଗମ ହୋଇଥିଲା l ମହୋତ୍ସବ ପାଇଁ ଅଞ୍ଚଳ ଉତ୍ସବ ମୁଖର ହେବା ସହ ସୁସଜ୍ଜିତ ତୋରଣ ଓ ଆଲୋକମାଳା ରେ ଲକ୍ଷ୍ମୀ ନାରାୟଣଙ୍କ ମୃଣ୍ମୟୀ ମୂର୍ତ୍ତୀ ପୂଜା ଆରମ୍ଭ ହୋଇଛି l ମହୋତ୍ସବରେ ଇଣ୍ଡିଆ ଟ୍ୟାଲେଣ୍ଟରେ ଯୋଗଦେଇ ପୁରସ୍କାର ପାଇଥିବା ଚାନ୍ଦବାଲିର ଡାଇମଣ୍ଡ ଡ୍ୟାନ୍ସ ଗ୍ରୁପ୍ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା l ଏହି ମହୋଉତ୍ସବ ୨୨ ତାରିଖ ପର୍ଯ୍ୟନ୍ତ ଚାଲବ ।